الأربعاء، 27 يونيو 2007

عايزة حل

انا شاب لكن عمرى ولا الف عام


وحيد ولكن بين ضلوعى زحام
خايف


ولكن خوفى منى انا


اخرس


ولكن قلبى مليان كلام


من العصب جدا على الانسان انة يكون وحيد بالرغم مَن وجود ناس كتير حوالية والاصعب انة يكون جواة كلام كتير بس مش قادر يقولة والاصعب انة يكون خايف بس من نفسة ممكن الانسان يخاف من نفسة يحس ان هو الى هياذى نفسة الخوف والوحدة والخرس ثلاث حاجات قلقنى قوى بخاف وحاسة بالوحدة عايزة اقول كلام كتير بس مش عارفة ولا قادرة محتاجة شى يخرجنى من كل دة بدور علية بس مش عارفة اية هو ولا الاقية ازاى تعبت محتاجة تغير محتاجة الاقى نفسى بعيد عن الخوف والوحدة والخرس عايزة الاقى الحل يمكن يكون فى كلام جاهين


فى يوم صحيت شاعر براحة وصفاء


الهم


زال والحزن راح واختفى


انا مت ولا


وصلت للفلسفة


اموت ولا اوصل للفلسفة حل من اتنين فية حل تالت

هناك 10 تعليقات:

جزر يقول...

الواحد مننا كتير اوي بيلاقي نفسه بين ثلاث حلقات
الخوف والوحدة والخرس
والثلاثه اعداء للانسان فكرت في يوم اني احولهم من اعداء الي اصدقاء استراتيجيه الند بالند هيا صعبه التنفيذ بس التحدي فيها اكبر
الخوف...كنت احاربه بالقوه والتحدي اي حاجه خايفه منها اقتحميها هتعمل فيكي ايه
مثال بسيط : تعرفي ان سر قوه الجن في ايه انه خفي لكن لو ظهر هيبقي ضعيف وملوش حيله وفي أمثله كتير علي كده منها حادثه سرقه من بيت المال
الوحده....ده مرض وفي نفس الوقت قد تكون علاج مرض انه بتوصل الواحد في كتير من االاحيان الي الأكتئاب وبتكون السبب في الانتحار
علاج ..بس بقدرتك انتي تحوليها لعلاج خليها خلوه وخلاء مع الله سبحانه وتعالي تأملي تذكري الماضي والمواقف اللي حصلت وازاي خرجتي منها بكل سهوله
انا اسف اول مره اطول كده
بالنسبه للخرس هوه نتيجه مترتبه علي الوحده
انا افتكرت دلوقتي الحكمه اللي بتقول
(ضاقت فلما استحكمت حلقاتها فرجت وكنت أظنها لا تفرج)
تحياتي

ايوية يقول...

بالعكس مطولتش ويمكن كلامك خلانى افكر فى حجات كتير
شكرا ليك
وياريت فعلا اقدر احول الاعداء دول لاصدقاء

غمض عينيك يقول...

الوحدة والخوف؟؟؟ ربنا معاكي يا ايوية
اوعي تستسلمي للمشاعر دي وزي ماقال جزر واجهيهم وخليهم اصحاب
ربنا معاكي
تحياتي
محمد سمير

تخاريف دكتور يقول...

الموت هو الحل
مع السلامة
مع السلامة
مع السلامة

علاء يقول...

أنا محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

Ahmed AL-Hussany يقول...

ايوية صلي على النبي
ليه الحزن دا كله
محدش خالي من المشاعر دي
بس الشاطر مننا اللي يحاول يخرج نفسه منها
حاولي تشغلي نفسك بقضية مش هقول موضوع لكن قضية تاخد كل وقتك وتخليكي في حركة ونشاط مستمرين
وصدقيني انا كنت في سواد اكتر من اللي قولتي عليه بمراحل
بس ربنا بيهون على الواحد وكله بيعدي
فكري في كلامي واخرجي من خوفك وقلقك ووحدتك .... ولو بالقوة
واحنا كلنا معاكي وحواليكي
تحياتي

ايوية يقول...

شكرا ليكم بجد محمد واحمد بس انا بحاول اخرج نفسى فعلا من دة بس مش عارفة يمكن الحل زى مقال احمد انى اشغل نفسى بشى يكون لة اهمية بس زى اية
شكرا دكتور على حلك

nickname يقول...

يا راجل إيه الكلام الجميل ده

من اليوم سأكون متابع ليك

:*

نقطة مية يقول...

ايوية يا جميلة...

انا مؤمنة ان النفس البشرية مدربة على التعامل مع اي احساس الا الوحدة...لانها قاتلة و سم للروح...

و احييكي على اختيار صلاح جاهين

تحياتي

ايوية يقول...

صدقينى نقطة مية مفيش يموت اى انسان واى مشاعر غير الوحدة ربنا ميكتب على حد بيها ابدا

اللعنة

وعندما يٱس من أن يزرة ملك النوم أو حتي يبعث لة احد من اتباعة وتعثرت قدماة في الظلام بحثا عن علبة المنوم الذي اجذم لة الصيدلى أن نصف قرص منه...