الثلاثاء، ١٩ يونيو ٢٠٠٧

المصرين اهمة

مررت بتجربة منذ عدة ايام وان كنت رايت خلالها ما سعدت بة وما حزنت لية تعرضتت امى لازمة صحية واضررنا لدخول المستشفى لعما عدة فحوصات طبعا سررت ان امى شفاها الله لم تكن حالتها بالخطيرة والحمد لله الا انى رايت شى غريب ان المصرين بجد شعب طيب قوى لما حد بيحتاج مساعدة تلاقى الف يد تتمد بالمساعدة رايت المرضى نفسهم قد يساعدون من هو اكثر منهم تعبا رايت من يسارع ليختم ورقة لاحد المرضى وقد يكون لا يعرفة وتكون تلك اول مرة يراة بها ويكون ليس من موظفى المستشفى انما من اهل احد المرضى الاخرين سررت جدا ان بجد المصرين شعب اصيل جدا وكل ومن يستطيع ان يساعد بيمد يد العون اما ما استئت منة جدا هم ايضا المصريين انما العاملين فى المستشفى علشان تختم ورقة او تعمل اجرائات دخول او خروج تلف على الف مكتب وكل مرة تروح تلاقى الموظف مش موجود خرج لسة مجاش اية مش من حقة يرتاح كل دة اجابات لسوال واحد بس هو الموظف المسئول فين سيبك بقى من انك من اول متخرج من غرفة بالمريض ولحد باب المستشفى تلاقى الى يقولك حمد الله على السلامة وطبعا مفهو م لية طيب مدول مصريين ودول مصريين ولا العاملين مش مصرين من بلد تانية عموما ربنا يهدى ويشفى كل مريض
نصيحة الى كل مدخن اكثر من 90% ممن كانوا فى قسم القلب من الرجال المدخنيين
نصيحة احظر
وربنا ميوريكم يوم فى مستشفى

اخر كلامى سلام

هناك ١٧ تعليقًا:

Ahmed AL-Hussany يقول...

الف سلامة على ماما
ربنا يشفيها يا رب ويطمنك عليها
انتي عارفة انتي فاكرتيني لما كان بابا تعبان
نفس السيناريو بالضبط لا زيادة ولا نقصان
انا مش عارف الناس دي هتقابل ربنا بعملها ده ازاي
ربنا يصلح الحال
ومرة تانية سلامة ماما
تحياتي

ايوية يقول...

شكرا احمد وربنا يخليك وربنا يشفى مرضى كل الناس
وربنا يهدى

نقطة مية يقول...

حمدلله على سلامة الوالدة و ربنا يديها الصحة...
اتكلمتي في البوست ده عن نقطة ضعفي"المصرييييييييييييين"
بس الدنيا لسة بخير و دايما هتلاقي في مصر النماذج المشرفة زي ما هتلاقي النماذج المخزية
تحياتي

ايوية يقول...

ربنا يخليكى يا نقطة
وياريت النماذج المضشرقة اكتر واكتر

مدونة كسبان يقول...

فى الأول الف سلامه على والدتك
بس انتى بقى لسا عارف ان المصريين طيبين؟
يابنتى والله
العظيم انا مش عايز أقولك
احنا فعلا
والله العظيم حلوين جدا
وجدعان أوى
ايو الله
ممك اه بتلاقى سلبيات كتير
وده طبيعى
بس وقت الشده بتلاقى العجب
واللى مش ممكن تلاقيه فى ايتها مكان تانى

جزر يقول...

الف مليون سلامه علي مامتك ويارب يشفي كل مريض
وعلي فكره المصريين أطيب شعب في العالم بس لو كل واحد يراعي ربنا شويه في شغله مكنش ده حالنا

ايوية يقول...

كسبان انا عارفة ان المصرين بخير واحسن ناس بس فى الازمات بس نفسى يبقوا كدة على طول

ايوية يقول...

شكرا جزر
وعندك حق بجد ياريت نراعى ربنا

هالة الدسوقي يقول...

عزيزتي
بجد انا سعيدة بموضوعك الجميل ده، لإنك من القليلين اللي بقولوا ان مصر وشعبها لسه بخير، على عكس الكثيرين دلوقتي.
أما بالنسبة للموظفين فهما موظفين بلدنا كده كأنهم بينقوهم اللي مش بالطبع الفظيع ده ميعينهوش ، بصراحة أنا مش عارفه هما بيشتغلو امتي بالظبط
على العموم ربنا يهدي

هالة الدسوقي يقول...

أسفة نسيت اقولك
الف سلامة على والدتك وربنا يشفيها ويشفي والدتي وكل مريض

ايوية يقول...

شكرا هالة ليكى وربنا يشفى مرضى الناس جميعا وفعلا الموظفين بقوا شى فظيع

momken يقول...

سلامه ولدتك ومتعها الله بالصحه والعافيه
المصرين فعلا نوعين
او تقدرى تقولى عده انواع متدخله دى البشر نفسهم كده يا ايه
اما فى موضوع المشتشفى فكان ليا مواقف كتير يارب محدش يشوفها
الف سلامه واعملى حسابنا فى حاجه ساقعه

ايوية يقول...

من عنيا هجيبلك الحاجة الساقعة شكرا ممكن على الزيارة وفعلا الانسان الواحد ممكن تلاقية مختلف فى مواقف كتير دة طبيعة بشرية بس لما تكون حاجة الناس فى ايدك من الضروزرى انك تساعدهم

aliaa يقول...

الف الفين تلات تلاف سلامه على مامتك يا ايه وربنا يديها الصحة ويخليهالكم يااااارب
والمصريين الحمدلله بطبعهم طيبين اوى لكن مش دايما برضو فى حاجات وحاجات بس احنا احسن من غيرنا
ربنا يهدينا ويهدى كل الناس ويشفى كل مريض يارب ان شاء الله

غمض عينيك يقول...

حمد الله على سلامة مامتك

وربنا يشفي كل مريض

تحياتي

محمد سمير

ايوية يقول...

شكرا محمد على كلامك الرقيق

ايوية يقول...

شكرا علياء على المرور

وأما الجدار

في رحلة حياتنا نصادف جدران عديدة  قد يلفت نظرنا روعة تصميمة ورونقة أو تهدمة وشقوقة  لكننا نمر وننسي الجدار الرائع الذي أدخل  البهجة لنفوسنا...