الخميس، ٣١ ديسمبر ٢٠٠٩

سنة جديدة


باقى من الزمن ساعات قليلة لتودعنا 2009 بكل مافيها من سعادة او حزن بكل افراحها واحباطتها هل يا 2010 هتسعدينا ولا هتعملى زى اختك الكبيرة اتمنى ان تكونى سنة جميبلة وان تعطينا ما رفضت اختك ان تعطينا اياة تحياتى لك وتحياتى ل2009 بالرغم مما عملتة معى
تمنياتى لكم ولكل العالم بسنة جميلة ان شاء الله

الثلاثاء، ٢٤ نوفمبر ٢٠٠٩

كل اضحى وانتم بخير


عيد باية حال عدت يا عيد

كل سنة وكل العالم بخير وسعيد وكل انسان يجد ما يبحث عنة تحياتى


كان نفسى اكون لسة طفلة عشان اجرى والعب

الجمعة، ١٤ أغسطس ٢٠٠٩

فصول الزواج الاربعة

موضوع قرئتة فى احد المواقع والحقيقة عجبنى جدا وقولت اشرك اصدقائى المدونين فية واعرف ارائهم فية موضوع عن فصول الزواج الاربعة وهو بيتكلم عن مراحل الحياة الزوجية وبيشببه كل مرحلة بفصل من فصول السنة اسيبكم مع الموضوع واتنظر ارائكم
الربيع
أن ربيع الزواج هو الفترة التى يبدأ فيها الزواج، وغالبا ما نكون فى فترة الشباب حيث لا حدود للأثارة والرغبة والتفاؤل.
فنحن نعتقد فى هذه الفترة أن الزوج هو كل الحياة وأنه الشخص الوحيد القادر على تحقيق أحلام العمر مهما كانت مستحيلة.
وخلال هذه المرحلة المبكرة نحن لا نرى ولا نسمح لعقلنا أن ينظر الى تجارب السابقين، فضوء الحب الساطع يعمى أبصارنا عن كل شىء، ونكتب فى عهد زواجنا "أرجوك أن تمحو كل ما بى من ألم، وأن تحبنى للأبد".
فهذا بالطبع لا يحدث ولكن هو ما يفكر به أغلبنا.
الصيف

ان صيف الزواج هى فترة مجيىء الأطفال الى حياتنا، فالأطفال هم من يملئون حياتنا بمزيد من المرح والحب والمتعة، مع ازدياد المسئولية بلا شك.
ومع مرور السنين ونمو الأطفال تبدأ الخلافات بين الزوجين ،ويبدأ الزوج باتهام زوجته بأنها ليست من أحبها وقام باختيارها.
وفى وقت لاحق من هذه المرحلة تبدأ مرحلة زواج الأبناء وانتقالهم الى عش الزوجية الخاص بهم مثلما فعل آبائهم.
فالأزواج والزوجات يسمحون لهم بالرحيل مع قليل من الأسف، فتلك هى الصحة العاطفية والأختيار الذى لا بد منه.
عندها ننظر حولنا فلا نجد تلك الأصوات المعتادة، حيث أن الأمر أصبح فى غاية الهدوء وأن هناك شيئا ما ينبغى أن يتغير، يظن كلا الطرفين أن التغير يجب أن يكون من الطرف الآخر، ولكننا ندرك فى النهاية أن التغيير لا يتم الا من داخل أعماقنا .. هنا نستطيع أن ندرك مدى أهمية التزوج مع أنفسنا وكم هو مفيد حقا.
فنسعى وقتها لفهم أنفسنا مرة أخرى، وان هذا الفهم سيمدنا بالحماية ليس فقط لأنفسنا بل ولأزواجنا أيضا.
فى تلك الفترة نبدأ بربط زواجنا الداخلى مع الخارجى، وأن نقدر مواطن القوة والمجد فى أزواجنا.
ومن هنا نبدأ أن ننمو حقا، ولكن علينا أن نضع فى الأعتبار أن مثل هذه الطريقة لا تنفع فى البعض من الزيجات، وربما يتنهى الأمر بانفصال الزوجين لمجرد أنهما لم يستطيعا فهم بعضهم البعض، كما ينبغى علينا أن ندرك أن ليست كل الزيجات قد خلقت فى الجنة، فهناك نسبة من الفشل ولكن نأمل أن تكون قليلة.

الخريف

ان خريف الزواج هو فترة انتقالية، نبدأ خلالها بمراقبة أولادنا وهم يربون أطفالهم، ولكننا نفضل أن نأخذ خطوة للوراء، ونتركهم ليعيشوا حياتهم كما يشاءون.
خلال تلك الفترة نعيش لحظات ممتعة مع أحفادنا، نرجع بأيامنا للوراء ونلعب معهم مثلما كنا نفعل مع أولادنا.
فرؤية أمتداد أسرتنا لشىء عظيم وممتع حقا، ونسعى لأن نملأها بمزيد من الحب والمرح والسعادة وأيضا الأستقرار.

الشتاء

ان الشتاء هو فصل الزواج الأخير الذى يكون أما بمفردنا لوفاة أحد الطرفين، أو فى انتظار للقدر المحتوم.
خلال تلك الفترة نعيش داخل أعماقنا أكثر، ونتذكر كل اللحظات السعيدة التى مرت علينا، وندين بالشكر لمن كانوا معنا أثناء مشوار حياتنا الطويل، ومن ساعدونا فى العديد من النجاحات والتطورات التى شهدناها.
كما نطمح لآخر المزايا التى يمكن أن نحصل عليها خلال تلك المرحلة، ونعمل مدركين أن كل يوم جديد يمكن أن يكون هو يومنا الآخير!

الخميس، ٣٠ يوليو ٢٠٠٩

الوصلة الرابعة

حاول مراوان التركيز فى فيما يقولة المحاضر ولكنة لم يكن يراة كان يرى ميادة امامة وعيونها الخضراء الجميلة التى اسرتة من اول نظرة ووجها الذى تضربة الحمرة عندما ينظر لها وبرائة ضحكتها كان يتمنى ان ياتى الليل سريعا ليراها ولكن لماذا ينتظر تسسلل مروان من المحاضرة على غير العادة ووجد نفسة امام كليتها ينتظرها ها هى تاتى تفاجئت ميادة بمروان امامها
انا عارف ان عربية بابا فيها مشكلة ومقدرشى طبعا انى اسيبك تركبى مواصلات اتفضلى اوصلك
اسفة انا هروح مع اصحابى
احنا جيران وبابا مش هيزعل لو ركبتى معيا بالعكس ممكن يزعل لوسيبتك فى الجو المطرة دة تروحى لوحدك وبعدين اهو رانيا اختى معانا
وعندما همت رانيا بالكلام انا لسة عندى محاض****** نظر لها مروان نظرة اوقفت الكلام فى فمها لم تستطيع ميادة تلك المرة ان تخفى ضحكتها وانطلق الثلاثة للعودة الى المنزل ولم يستطيع مروان ان يخفى نظراتة ايضا لميادة وان بادرتة هية تلك المرة بالكلام على عكس عادتها اتمنى متكونشى زيارتنا النهارضة هتعطلكم عن حاجة
لا مروان عمرة مبيقعد فى البيت ومحدش بيعطلة والله لو مين جاى يزورنا وهو خارج
رمقها مروان بتلك النظرة مرة ثانية فلم تفتح رانيا فمها الى اخر الطريق حتى وصواوا
غادرت ميادة العربة باسمة
وفى المساء كان الموعد المرتقب والخطة التى جهزت بعناية من قبل شريفة هانم لابعاد شبح الصداقة المحتملة والتى اصرت عليها بعد ان رات ميادة فى سيارتهم ولاحظت نظرات مروان
والتقتتط هاتفها  للل**********************
يتبع

الجمعة، ٢٤ يوليو ٢٠٠٩

من وحى شهر الثورة

كنا فى غيم والنور انقاد
كنا عبيد وبقينا اسياد
كنا صغار وبيقينا كبار

طبعا للجيل الى ميعرفشى دة اية دة اغنية على الدوار لمحمد قنديل اغنية جميلة جدا بتعبر عن عصر الثورة وحياة كانت متفائلة مع كل اختلافى مع الثورة وكامل احترامى لها بس بسائل سؤوال مهم هل الاغنية تعبر عنا الان هل مازلنا اسياد ليبقى السؤال

السبت، ٢٧ يونيو ٢٠٠٩

عجبى

أعرف عيون هي الجمال و الحسن

و اعرف عيون تاخد القلوب بالحضن



و عيون مخيفة و قاسية وعيون كتير

وباحس فيهم كلهم بالحزن

عجبي !!

الأحد، ١٩ أبريل ٢٠٠٩

يا ملونين البيض في شم النسيـــــم

لون الحنين و الشوق و خمر النديم

ما تعرفوش سايق عليكو النبــــــي

تلونوا الأيام بلون النعيــــــــــــــم ؟

عجبي!!









من ارشيف المدونة مع تحياتى للربيع

ادى الربيع عاد من تانى والبدر هلت انوارة

وفين حبيبى الى رمانى من جنة الحب لنارة


مش عارفة الربيع ماثر عليا قوى مع انى بزعل منة لانة بيجى وينهى احب فصول السنة ليا وهو الشتاء بس مش مهم اهو ماثر عليا ومش قادرة انسى اغنية الامير فريد الاطرش الربيع وطول منا ماشية عمالة اغنيها مع ان كل الى فى البيت قالولى زهقتينا بقى من الربيع ومن فريد ومن كل فصول السنة مع ان صوتى والله جميل احلى من البنية روبى الاستاذ سعد الى بيغنى للحمار اشمعنى يعنى هو سايبنة مع انة بيغننى للحمار طيب انا بغنى للربيع وبغنى اغنية من ايام الطرب الجميل المهم مطولشى عليكم سكت شوية كدة وبطلت اغنى بس مقدرتشى لاقيت نفسى راجعة تانى اقول وادى الشتاء يا طول ليالية ولاقيت عينك متشوف الا النور خداديات ومخدات وحجات تانية مقدرشى اقولها بتترمى عليا يا جماعة هو محدش طايق يسمع لية بس مهو مش ذنبى دة تاثير الربيع روحوا حاسبوا الربيع بقى هو للدرجة دة محدش بقى عايز طرب اصيل جدا يعنى لو غنيت احبك اة اكرههك اة هتسمعونى يعنى اعمل اية صحيح تلوث سمعنى وبرضة هغنى

ادى الربيع
حاضضضضضضضضضضضضضضضضضضضضرررررررررررررر هسكت

الأربعاء، ٨ أبريل ٢٠٠٩

بلد شعارات صحيح

اصدقائى اخباركم اية وحشتونى جدا جدا جدا النهارضة وانا رايحة الشغل الصبح استوقفنى منظر غريب جدا فية مدرسة قريبة من بيتنا بعدى عليها كل يوم وفبل العام الدراسى كان لسة السور مدهون ومترمم يعنى مفتشى كتير المهم عشان مطولشى عليكم لاقيت قدام المدرسة عمال وعلب دهانات قولت يمكن فية حاجة فى المدرسة هيرمموها او فصل جديد هيدهنوة وانا راجعة من الشغل وجدت المفاجئة التى اذهلتنى سور المدرسة تحول الى كتابة قولت فى نفسى انتخابات فى المدرسة ولا يمكن الوزارة قررت انها تزود دخلها قالت تعملها اعلانين ثلاثة على سور المدرسة بدل مهو فاضى وهى تساهم فى حل الازمة الاقتصادية العالمية وتدفع فلوس الكادر الى لسة متصرفشى لكن لما قربت لاقيت حاجة غريبة المدرسة مشاركة فى مشروع المدرسة المتميزة باين وعلى السور شوية شعارات من شاكلة اهداف المدرسة ورسالى المدرسة وحجات من كدة يعنى الله طيب والناس الى ماشية فى الشارع دخلها اية مكلنا عارفين ان اهداف وزارة التربية والتعليم التهذيب والاصلاح ومكافحة الدروس الخصوصية و جابوا سنة ستة شالو سنة ستة عالم راقية وفاضية طيب ارجوكم حد كدة يسال مدرس اية هدفك فى المدرسة هيقولك الم شوية طلبة عشان الدروس الخصوصية واسال كدة طالب اية رسالة المدرسة هيقولك تعرفنا على المدرسن عشان الدروس الخصوصية مش الفلوس الى اتصرفت دة كان اولى بيها بناء مدرسة جديدة او تطوير معامل العلوم فى المدرسة او تزويدها بحاسبات او حتى انهم يجيبوا وجبة للعيال الى عندهم انميا دول ولاقتنى بقول بلد شعارات صحيد مع الاعتذار لعادل امام

الأربعاء، ١١ مارس ٢٠٠٩

دعوة للتغير

اصحابى المدونيين وحشتونى جدا جدا جدا مع انى كنت ناوية ارجع واكمل قصة حالة حب الا ان شئ استفزنى جدا وخلانى ااجل باقى القصة واتكلم عنة الشئ دة هو لية الناس اتغيرت لية مصرين اننا نعزب بعض ونتعب و مش عايزين نساعد بعض بعض مثلا النهارضة وانا واقفة مستنية المنى باص عشان اروح شغلى وبعد طول انتظار يجى المنيباص ويسيب المحطة من غير ميقف والاكثر من كدة انة بيمشى برغم من صراخ الناس وجريهم وراة
لية لية السائق عمل كدة لية بيعذب الناس الى واقفة مش كفاية انة متاخر المهم لو صادفك الحظ بقى وركبت وطبعا الباب الصغير بتاع المنى باص فتلاقى الناس تدخل وتبعت فلوس التذاكر من الى قدامها تاقى بقى الى يزعق والى يرفض والى يقول هو احنا شغالين عندكم اية المشكلة انك تناول تذكرة تعبت فى اية طبعا بقى غير لو المنى باص او الاتوبيس فرمل او وقف مرة واحدة وخبط فى الى جنبك يويلك بقى من الى تسمعة حتى لو اعتزرت هو اية الى جرى راحت فين كلمة حصل خير ولا يهمك معلشى مبقناش مستحملين بعض لية عارفة هتقولوا الحالة الاقتصادية والناس مكتئبة وتعبانة وكل دة معاكم فية بس لية بقنا كدة هو الى معاك دة زنبة انك فى مشكلة مهو كمان فى نفس مشكلتك ويمكن يكون اكتر لية بقلى تتطلع غلبك علية ياريت نرجع زى زمان نبتسم فى وجة بعض نعرف نقول اسف ولا يهمك وحصل خير وحققك عليا
مهما كانت الظروف نكون اقوى منها ونعرف ان الى حوالينا زينا وفى نفس ظروفنا ومش زنبهم اننا نطلع عليهم غضبنا ولا بقى الى مقدرشى على يقدر على

ووحشتونى مرة تانية

الأربعاء، ١٨ فبراير ٢٠٠٩




الوصلة الثالثة
عادت الى شرفتها مرة اخرى لتجدة مازال واقفا
اسف يا انسة لو خضيتك
هى بصوت مرتعش لا ابدا هو حضرتك
والله بنى ادم مش عفريت
نظرت الية وهى تحاول ان تخفى ضحكة وان كانت مازالت ترتعش من داخلها
كان مروان قمحى البشرة بنى الشعر اخضر العينين طويل القامة
ذهبت فى شبة غيبوبة واستفاقت وهو يقول يا انسة ردى عليا والله انا مش حرامى ولا عفريت حضرتك بس لية خايفة
قالت بصوت متلجلج
مش خايفة هخاف من اية
اوكى يا مش خايفة عموما انا مروان طبيب اسنان والدى اشترى الفيلا دة وانا اخترت الحجرة دة من حسن حظى بس واضح انة من سوء حظك مكنتش عارف ان اختيارى هيخوف انسانة رقيقة زيك
مرسى يا دكتور على المجاملة الرقيقة دة
طيب انا زعلان بقى انا عرفتك بنفسى وانتى مش عايزة تتكلمنى مالك يا انسة
كانت لا تستطيع ان تتكلم وفى نفس الوقت لا تقدر على الحركة شعور غريب انتابها
انسة اسمك اية
انا
الله اسم جميل قوى انا
لم تستطيع الا ان تجرى مرة اخرى الى غرفتها ونظرت من رواء باب الشرفة وقالت بصوت هامس
اسمى ميادة
وعلى العشاء
الفيلا الى جنبنا اشتراها دكتور وعيلتة وصلوا امبارح انا كلمتة علشان نزورهم نرحب بيهم
ان شاء الله هما عيلة كبيرة
الاب دكتور وابنة برضة دكتور فى اخر سنة فى كلية الطب وولد تانى ظابط شرطة وبنت تقريبا فى سنك يا ميادة
ميادة
ميادة
ايوة يابابا
مالك يبنتى رحتى فين
لا ابدا منا معاكم اهو
حضرتك كنت بتقول دكتور اسنان
الى واخد عقلقك بابا وصل لحد ان عندهم بنت معاكى فى كلية الاداب
سورى يا بابا متعرفشى حضرتك هية قسم اية
اعتقد انجليزى


كانت اسرة الدكتور مروان اسرة عريقة ذات طابع ارستقراطى وكانت الام ذات اصول تركية محافظة جدا وكان اقرب الابناء لها فى طباعها سيف الابن الاكبر والمقرب لوالدتة وقرة عينها فكان هو فى نظرها الحارس الامين على تراث العائلة وامجادها اما مروان فقد كان دائما مصدر التعب لها والخلاف الدائم بينهم كان على اصرارة على مصادقة من هم ادنى من مستواهم فى نظرها وعلى الافطار فى منزل عائلة مروان دار الحوار التالى
احلى صباح على احلى عيلة
مروان مش ممكن لو كنت لسة ولد صغير كنت ضربتك انما دلوقتى اقول اية
خير يا ماما بس بتزعقى لية
مش شايفة اخوكى فينك يا سيف
صباح الخير يا ولاد مزعلين ماما لية على الصبح
يلا انا اتاخرت يلا بسرعة علشالن اوصلكم
على فكرة جيرنا فى الفيلا الى جنبنا اخدوا معاد النهارضة بليل علشان يزورونا
مش ممكن يا دكتور انا سيبت القاهرة علشان الجيران والاختلاط بيهم وجيت هنا فى مكان هادى علشان احاصر برضة بناس زى دول انا سالت عليهم وعرفت انهم مش من المستوى الى ممكن تكون لينا بهم صلة
لية بس الاب مهندس محترم وعندة شركة كويسة والام سيت بيت وعلى علمى انها خريجة الالسن والابناء واحد مهندس وفى بعثة فى امريكا وبنوتة صغيرة فى سن بنتنا
اة مش بالتعليم مهو الثورة خلت الكل يتعلم
وبعدين بقى يا ماما ارجوكى كفاية بقى
بنت
يلا يا ولاد هنتاخر الناس جاية النهارضة ومش عايز احراج
سلام عليكم
دة كان الحوار اليومى المعتاد بين اسرة مروان خلاف دائم مع الابناء والاب حول الاصدقاء والمعارف والاصرار على فئة بعينها يكون الاختلاط معها
مروان امال لو عرفت الى انا ناوى علية
بتقول اية
ولا حاجة يابابا
جارنا اهو واضح ان عربيتة فيها مشكلة تعالى يا مروان
صباح الخير
صباح النور
خير والله العربية واضح انها فيها مشكلة طيب مروان ممكن يوصل الانسة معاة ومع اختة رانيا
مهم اخوات ولا اية يا باشمهندس
طبعا اخوات والله انا كنت لسة بقول لميادة
ان ربنا كرمك باخت
اتفضلوا
وفى الطريق لم يكف مروان من النظر لميادة حتى تمنت بداخلها ان تختفى من السيارة وكلما حاولت اختة ان تنبهه لم يلتفت لها
وانتى فى قسم اية يا ميادة
تاريخ وانتى
انا انجليزى
لو تحبى اى مساعدة فى الادب الانجليزى انا تحت امرك
ربنا يخليكى لو على كدة استحملى بقى انا هبقى تلميذة عندك
مروان الجامعة اهى اوقف انت اية نسيت
ياة وصلنا
ورمق ميادة بنظرة قائلا فى همس خسارة وصلنا بسرعة
لم تعرف ماذا تقول وانطلقت سريعا الى داخل الجامعة
في حين اطلقت رانيا ضحكة مكتومة ورمقها مروان بنظرة غضب وانطلق بسيارتة
يتبع

الاثنين، ٩ فبراير ٢٠٠٩

من قتل الفرح

التقيابعد سنوات من افتراقهما صدفة حاول حسام ان يخفى خاتم زواجة فبادرتة فرح مبارك الزواج فسالها محاولا ان يخفى احراجة وانت هل تزوجت اجابت فرح منذ خمس سنوات
سعيدة
لا انكر ان اول عام ونصف كانا من اسعد سنوات حياتى وان كانت باقى السنوات الخمس ليست بالتعيسة وان كان ما يؤلمنى انى لم استطيع انجاب اطفال ونظرت لة نظرة عتاب واختفت من امامة تحاول ان تخفى دمعة وليدة فى عينيها وما ان افاق من شبة غيبوبة وصاح فرح لم يجدها امامة وخفت صوتة وهو يقول منذ خمس سنوات كانت بداية علاقتنا معا التى قد دامت عام ونصف اى انك لم تتزوجى اختفت فرح فى الزحام ووقتها ادرك حسام انها مازالت على وعدها الذى وعدتة بة لن ابد حبك بحب اخر حتى الموت اختفت فرح وهى تحمل فى يدها هاتفها على امل ان يتصل وبرغم السنوات وبرغم زواجة لم يستطيع قلب فرح ان يفهم ان من مسحها من حياتة لن يكون محتفظا برقم هاتفها سار حسام فى طريق يفكر فى الصدفة وسارت فرح فى الطريق تنظر للهاتف فالى متى ستظل فرح لا تعلم ان الفرح قد مات فى حياتها بعدة فمن قتل الفرح هو ام هى ام الزمن

وأما الجدار

في رحلة حياتنا نصادف جدران عديدة  قد يلفت نظرنا روعة تصميمة ورونقة أو تهدمة وشقوقة  لكننا نمر وننسي الجدار الرائع الذي أدخل  البهجة لنفوسنا...