بلد شعارات صحيح

اصدقائى اخباركم اية وحشتونى جدا جدا جدا النهارضة وانا رايحة الشغل الصبح استوقفنى منظر غريب جدا فية مدرسة قريبة من بيتنا بعدى عليها كل يوم وفبل العام الدراسى كان لسة السور مدهون ومترمم يعنى مفتشى كتير المهم عشان مطولشى عليكم لاقيت قدام المدرسة عمال وعلب دهانات قولت يمكن فية حاجة فى المدرسة هيرمموها او فصل جديد هيدهنوة وانا راجعة من الشغل وجدت المفاجئة التى اذهلتنى سور المدرسة تحول الى كتابة قولت فى نفسى انتخابات فى المدرسة ولا يمكن الوزارة قررت انها تزود دخلها قالت تعملها اعلانين ثلاثة على سور المدرسة بدل مهو فاضى وهى تساهم فى حل الازمة الاقتصادية العالمية وتدفع فلوس الكادر الى لسة متصرفشى لكن لما قربت لاقيت حاجة غريبة المدرسة مشاركة فى مشروع المدرسة المتميزة باين وعلى السور شوية شعارات من شاكلة اهداف المدرسة ورسالى المدرسة وحجات من كدة يعنى الله طيب والناس الى ماشية فى الشارع دخلها اية مكلنا عارفين ان اهداف وزارة التربية والتعليم التهذيب والاصلاح ومكافحة الدروس الخصوصية و جابوا سنة ستة شالو سنة ستة عالم راقية وفاضية طيب ارجوكم حد كدة يسال مدرس اية هدفك فى المدرسة هيقولك الم شوية طلبة عشان الدروس الخصوصية واسال كدة طالب اية رسالة المدرسة هيقولك تعرفنا على المدرسن عشان الدروس الخصوصية مش الفلوس الى اتصرفت دة كان اولى بيها بناء مدرسة جديدة او تطوير معامل العلوم فى المدرسة او تزويدها بحاسبات او حتى انهم يجيبوا وجبة للعيال الى عندهم انميا دول ولاقتنى بقول بلد شعارات صحيد مع الاعتذار لعادل امام

تعليقات

‏قال blue-wave
هى دى مصر يا عبله:))
تلقي المدير عايز يترقى ولا حاجة

ما هي دي الفزلكة والنفاق اللي عيني عينك

ويبقى التواصل
‏قال Hossam
سلام عليكم
بجد عندك حق فى كل اللى انتى قلتية.
انا وانا فى التعليم المصرى كنت فعلا بروح المدرسة تقضية واجب الا بس لمدرس او مدرسيين اتنين الى كانوا بيشرحوا بذمة.بس اللى اتعلمتة التعليم المحترم الكويس مش ببلاش.
تحياتى سلام
‏قال ايوية
ياترى حال التعليم فى مصر هينصلح ولا علية العوض
تحياتى للجميع

المشاركات الشائعة