الثلاثاء، 17 أبريل، 2007

مغلق لامتحانات

اعلن عن اغلاق صفحات مذكراتى لمدة شهر للامتحانات واشوفكم بعدها واحكيلكم عملت اية ايام الامتحانات ادعولى ربنا يخليكم
باى وهتوحشونى جدا

الثلاثاء، 10 أبريل، 2007

ادى الربيع











ادى الربيع عاد من تانى والبدر هلت انوارة
وفين حبيبى الى رمانى من جنة الحب لنارة

مش عارفة الربيع ماثر عليا قوى مع انى بزعل منة لانة بيجى وينهى احب فصول السنة ليا وهو الشتاء بس مش مهم اهو ماثر عليا ومش قادرة انسى اغنية الامير فريد الاطرش الربيع وطول منا ماشية عمالة اغنيها مع ان كل الى فى البيت قالولى زهقتينا بقى من الربيع ومن فريد ومن كل فصول السنة مع ان صوتى والله جميل احلى من البنية روبى الاستاذ سعد الى بيغنى للحمار اشمعنى يعنى هو سايبنة مع انة بيغننى للحمار طيب انا بغنى للربيع وبغنى اغنية من ايام الطرب الجميل المهم مطولشى عليكم سكت شوية كدة وبطلت اغنى بس مقدرتشى لاقيت نفسى راجعة تانى اقول وادى الشتاء يا طول ليالية ولاقيت عينك متشوف الا النور خداديات ومخدات وحجات تانية مقدرشى اقولها بتترمى عليا يا جماعة هو محدش طايق يسمع لية بس مهو مش ذنبى دة تاثير الربيع روحوا حاسبوا الربيع بقى هو للدرجة دة محدش بقى عايز طرب اصيل جدا يعنى لو غنيت احبك اة اكرههك اة هتسمعونى يعنى ولا ساموا عليكم ساموا عليكم اعمل اية صحيح تلوث سمعنى وبرضة هغنى

وادى الربيع عاد من تانى
حاضضضضضضضضضضضضضضضررررررررررر هسكت

الاثنين، 9 أبريل، 2007

مذكراتى


فاجئة كدة وبدون سابق انذار لاقتى قررت انى اكتب مذكراتى مش عارفة لية يمكن فاجئة كدة جاتلى جنون العظمة وقولت يعنى هو الى بيكتب مذكراتة احسن منى او يمكن خفت بعد مموت بعد الشر عليا طبعا ان حد يكتب مسلسل عنى وبحط حجات مش صح وميت واحد بقى يطلع يقول انا كنت اعرفها والى تقول انا كنت صاحبتها الوحيدة والى تقول ال انا كنت ملازماها ليل نهار وحياتى الثمينة بقى تتغير وكل واحد يقول الى على مزاجة ويتشهر على حسابى انا بقى قررت انى اكتب مذكراتى بنفسى علشان محدش يشوهها

اية دة هو انا جرالى اية اتجننت هو مين يعنى الى هيعمل حياتى مسلسل ولا فيلم عموما مش مهم هكتبها وخلاص حد عندة مانع

اسيرة قلبى

فى كل مرة اقسم  ان تكون الحرب واعد اسلحتى  لاواجهك بها  افضى  ما بقلبى اخبرك عما يؤلمنى منك  عن بكائى ليلا من تجاهلك لى و لوجودى لجرحك لكو...