الثلاثاء، ١٠ أبريل ٢٠٠٧

ادى الربيع











ادى الربيع عاد من تانى والبدر هلت انوارة
وفين حبيبى الى رمانى من جنة الحب لنارة

مش عارفة الربيع ماثر عليا قوى مع انى بزعل منة لانة بيجى وينهى احب فصول السنة ليا وهو الشتاء بس مش مهم اهو ماثر عليا ومش قادرة انسى اغنية الامير فريد الاطرش الربيع وطول منا ماشية عمالة اغنيها مع ان كل الى فى البيت قالولى زهقتينا بقى من الربيع ومن فريد ومن كل فصول السنة مع ان صوتى والله جميل احلى من البنية روبى الاستاذ سعد الى بيغنى للحمار اشمعنى يعنى هو سايبنة مع انة بيغننى للحمار طيب انا بغنى للربيع وبغنى اغنية من ايام الطرب الجميل المهم مطولشى عليكم سكت شوية كدة وبطلت اغنى بس مقدرتشى لاقيت نفسى راجعة تانى اقول وادى الشتاء يا طول ليالية ولاقيت عينك متشوف الا النور خداديات ومخدات وحجات تانية مقدرشى اقولها بتترمى عليا يا جماعة هو محدش طايق يسمع لية بس مهو مش ذنبى دة تاثير الربيع روحوا حاسبوا الربيع بقى هو للدرجة دة محدش بقى عايز طرب اصيل جدا يعنى لو غنيت احبك اة اكرههك اة هتسمعونى يعنى ولا ساموا عليكم ساموا عليكم اعمل اية صحيح تلوث سمعنى وبرضة هغنى

وادى الربيع عاد من تانى
حاضضضضضضضضضضضضضضضررررررررررر هسكت

هناك تعليقان (٢):

3lool يقول...

هههههههههههههه يابختك ياريت تعديني شويه من المزاج الربيعي ده

مدونتك لذيذه ومنسقه وجميله كتير


تحياتي

ايوية يقول...

ميرسى جدا للزيارة وكلامك الرقيق وياسيدى هعديك بشوية ربيع حب الناس والدنيا والهواء والبحر والشمس هتلاقى نفسك بمزاج ربيعى

وأما الجدار

في رحلة حياتنا نصادف جدران عديدة  قد يلفت نظرنا روعة تصميمة ورونقة أو تهدمة وشقوقة  لكننا نمر وننسي الجدار الرائع الذي أدخل  البهجة لنفوسنا...