الأربعاء، 11 مارس، 2009

دعوة للتغير

اصحابى المدونيين وحشتونى جدا جدا جدا مع انى كنت ناوية ارجع واكمل قصة حالة حب الا ان شئ استفزنى جدا وخلانى ااجل باقى القصة واتكلم عنة الشئ دة هو لية الناس اتغيرت لية مصرين اننا نعزب بعض ونتعب و مش عايزين نساعد بعض بعض مثلا النهارضة وانا واقفة مستنية المنى باص عشان اروح شغلى وبعد طول انتظار يجى المنيباص ويسيب المحطة من غير ميقف والاكثر من كدة انة بيمشى برغم من صراخ الناس وجريهم وراة
لية لية السائق عمل كدة لية بيعذب الناس الى واقفة مش كفاية انة متاخر المهم لو صادفك الحظ بقى وركبت وطبعا الباب الصغير بتاع المنى باص فتلاقى الناس تدخل وتبعت فلوس التذاكر من الى قدامها تاقى بقى الى يزعق والى يرفض والى يقول هو احنا شغالين عندكم اية المشكلة انك تناول تذكرة تعبت فى اية طبعا بقى غير لو المنى باص او الاتوبيس فرمل او وقف مرة واحدة وخبط فى الى جنبك يويلك بقى من الى تسمعة حتى لو اعتزرت هو اية الى جرى راحت فين كلمة حصل خير ولا يهمك معلشى مبقناش مستحملين بعض لية عارفة هتقولوا الحالة الاقتصادية والناس مكتئبة وتعبانة وكل دة معاكم فية بس لية بقنا كدة هو الى معاك دة زنبة انك فى مشكلة مهو كمان فى نفس مشكلتك ويمكن يكون اكتر لية بقلى تتطلع غلبك علية ياريت نرجع زى زمان نبتسم فى وجة بعض نعرف نقول اسف ولا يهمك وحصل خير وحققك عليا
مهما كانت الظروف نكون اقوى منها ونعرف ان الى حوالينا زينا وفى نفس ظروفنا ومش زنبهم اننا نطلع عليهم غضبنا ولا بقى الى مقدرشى على يقدر على

ووحشتونى مرة تانية

هناك 10 تعليقات:

اعشق فى الليل ضوء القمر يقول...

يا تى بدل إنت متعذبة ك
ه مقلتيش ليه من بدرى وكنت بعتلك الطيارة بتاحتى توصلك لشغلك و تجيبك

على فكرة
أكثر حاجة بتخنقنى فى المواصلات لما أجى أركب وتلاقى واحد بتزاحم علشان تركب خلاص الحياة بتقف ومبعرفش أخبط فيها زى ما بتعمل فبيكون مصيرى إنى أسيب الميكروباص ده و أستنى إللى بعده وهلم جرة

Desert cat يقول...

ازيك يويو وحشانى جدا ووحشانى مواضيعك الحيوية
حقيقى الناس نفوسها اتغيرت فى كل حاجه
حبيبتى انا لما بشوف افلام الستينات بحس بحسرة كل واحد ياقبل التانى يبتسم فى وشه حتى من غير ما يعرفه ويقولك نهارك سعيد
العالم كله بيتقدم الا احنا بنرجع لالاف الاف السنين

تحياتى

موناليزا يقول...

ده نفس سؤالى
الناس مابقتش طايقة نفسها مش اللى حواليها بس

Sweet Violet يقول...

الناس اصلا بقت بتخانق دبان وشها للأسف
مش عارفه بجد ايه اللى حصل فى النفوس

ربنا يرحمنا ):

saragebaly يقول...

ايويه

كلنا بنسأل نفس الاسئلة

بس اعتقد ان الاجابة جزء كبير منها في

اننا نسينا ديننا والي الاسلام ربانا عليه

نسينا نمشي على هدي نبينا محمد صلى الله عليه وسلم

نسينا قول الرسول ( لا يدخل احدكم الجنة حتى يحب لاخيه ما يحب لنفسه )


تحياتي لك ولمدونتك

سارة

أنا حر يقول...

للاسف المشكلة الكبيرة ان سلوكنا اتغير وبقى سيء جدا وتعاملتنا كمان بينا وبين بعض اتشالت منها الصفات الانسانية وبقينا بنتعامل على اننا عايشين في غابة كبيرة وكل واحد شايف نفسه الانسان الوحيد اللي يستاهل التعامل الانساني من كل اللي حواليه وهو يعاملهم كلهم بشكل غير ادمي
ربنا معانا
تحياتي

معتز شاهين - باحث تربوي يقول...

وأنا معاك في تلك الدعوة
احنا أظاهر بقينا شعب بيتفنن ازي نعكنن على بعض
وأدعوك لزيارة مدونتي والتواصل

ايوية يقول...

اعتذر عن تاخرى فى الرد واشكركم جميعا على ردودكم واتمنى ان نعود كما كنا لزمن الحب

معتز شاهين - باحث تربوي يقول...

مستني رأيك في بوستي الجديد
ردي الزيارة
ويبقى التواصل

مهندس زراعي يقول...

الناس تعبانه ومجهده ومضغوطه

ربنا يفكها على الجميع

بجد شئ رائع قوي وتسلم أيدك

خالص تحياتي وتقديري

اسيرة قلبى

فى كل مرة اقسم  ان تكون الحرب واعد اسلحتى  لاواجهك بها  افضى  ما بقلبى اخبرك عما يؤلمنى منك  عن بكائى ليلا من تجاهلك لى و لوجودى لجرحك لكو...