الاثنين، 19 مايو، 2008


كان يمشى فى طريقة المعتاد يوميا الى العمل نزل من بيتة مشى فى نفس الشارع ككل يوم صادف نفس الناس الذين يذهبون الى عملهم فى نفس الموعد هذهى السيدة التى تجرى مسرعة كل يوم وفى يدها طفل يبكى وقد تاخر عن موعد المدرسة وهذا هو السيد الذى يقف يشترى الجريدة ويمشى يتصفحها فى الشارع وتلك هى الطفلة التى تحمل كل يوم نفس الحقيبة الثقيلة وترمق كل الناس بابتسامة بريئة هذة هى نفس الشجرة وتلك نفس الحفرة فى الارض وهذة نفس السيارات تحت البيوت وصل الى محطة المترو ككل يوم ايضا 
قطع التذكرة وعبر الماكينة وهو ينزل من على السلم المتحرك حدث شى جديد 
ملاك فى صورة بشر لفتت نظرة لاول مرة يراها لم تكن من الوجوة المعتادة ان يراها كل يوم ظل يتابعها بنظرة يامل ان يتوقف السلم المتحرك ولو لو ثوانى ليظل ينظر اليها وفى اقل من الدقيقة احس بتغير هذا اليوم عما قبلة 
فقد كان يرى اميرة بفستان ابيض وحولها ملائكة صغار ولكن سرعان ما افاق من ذلك الحلم حيث ذهبت فى اتجاة وهو فى اتجاة اخر اسرع يتابعها بنظرة على الرصيف الاخر وسرعان ما اتى القطاران فى وقت واحد ولكن ذهب كل منهم فى اتجاة 
وظل هو كل يوم يبحث ببصرة عنها فى كل الركاب املا ان يراها يوما

هناك 20 تعليقًا:

Mohamed Hamdy يقول...

قصه جميله .. قصيرة ومعبره .. وبتصور لحظه فى حياه انسان .. يمكن كتير ميقفوش قدامها .. لكن انتى عشان انسانه حساسه وقلمك ولا مشرط الجراح المحترف .. قدرتى ترصدى اللحظه دى

تحياتى

الطائر الحزين يقول...

سيراها ويتقابلا

الفارس الملثم يقول...

معلش انا بصراحه مفهمتش القصه الي حد ما , بصي هي اسلوبها جميل في الكتابه , بس حاسس افتقادها لمعلومات كافيه اثناء السرد القصصي , يعني مثلا مين اميره ؟؟؟

وعذرا للمداخله

تحياتي وتقديري
محمد

ايوية يقول...

محمد حمدى
اشكرك جدا على كلامك الرقيق دة
تحياتى
*************************
الطائر الحزين
ياريت اتمنى ذلك انا ايضا

*********************
الفارس الملثم
مش عارفة اية الى انت مش فهمتة
بس عموما اميرة مش اسمها هو يقصد ان حس انة شافها كاميرة او برنسيس وحولها اطفال صغار هو بيشبها فى جمالها بكدة
تحياتى

اسكندراني اوي يقول...

كتييير بتحصل
السرااب في منه كتير اوي اوي

قصيره ولكن جميله
تحياتي

Desert cat يقول...

لو مكتوب ليهم نصيب مع بعض هيتقابلوا تانى
كل شيئ بقدر
تحياتى يا جميله لاحساسك العالى

واحد وبيتكلم يقول...

قصه رائعه اتمني الا تبخلي بزياده الكتابه لا تحرمينه منك طويلا

ايوية يقول...

اسكندرانى
حمد الله على السلامة بقالك كتير مجتشى هنا بس لية سراب ولية ميكونشى حلم ممكن يتحقق
تحياتى
*************************
قطة الصحراء
شكرا ليكى كلامك الرقيق زيك وبتمنى انهم يتقابلوا بس يارتى لو اتقابلوا تانى وعرف كل واحد منهم التانى على حقيقتة هيفضل يحبها ولا حبة هيتغير.

******************************
واحد بيتكلم
شكرا ليك واتمنى تشرفنى كتير

الجدة فصيحة يقول...

السلام عليكم ورحمة الله وبركاته

الدنيا صغيرة كما يقولون
والآن اصبحت أكثر صغرا
فإن كان لهم نصيب في اللقاء
فسيحدث
وقد يكون صدفة كما كان أول لقاء
وليس بالضرورة في نفس المكان


تحياتي

كوارث يقول...

انا ما بعتبرهاش قصة
ده موقف مفيهوش أحداث
موقف بيحصل كل يوم تسعتلاف مرّة تقريبًا
طب كنتي خليه يشوفها تاني واقفلي القصة !!
بس اسلوبك في السرد جميل بس احداث القصة .. لازم يكون فيه اللي يشد
انتي عامله زي اللى قعد يحكي قصّة واحد من ساعة ما نزل من البيت واتنصب عليه في الشارع وراح القسم قالوله هنجيبلك حقك ومات قبل ما نعرف اللي حصل !!
اسلوبك جميل فيا ريت افكارك تكتمل
بالنسبة للغة
فرقي بين الهاءات والتاءات المربوطة وانتي الفصخى عندك ممتازة فركزي في الاملاء شوية , يعني هي بتتكتب هي مش هية .. وهكذا

طارق الغنام يقول...

الله عليكى
قصة رائعة كتبتيها بأسلوب سلس ورائع
تقبلى تحياتى
ومتعك الله بالحب والصحة والعافية
واتمنى تشريفك مدونتى المتواضعة
ودمتى متألقة

Dr. Eyad Harfoush يقول...

عزيزتي أيوية
فانما الايام مثل السحاب، تمر علينا مرور السحاب، تذكرت هذا لعمر الخيام و أنا أقرأ قصتك، جميلة و معبرة يا آية المدونين
تحياتي و تقديري

ايوية يقول...

الجدة فصيحة
اشكرك للزيارة وفعلا عندك حق لو مكتوب ليهم اللقاء يمكن يتقابلوا فى مكان تانى
تحياتى

**********************************

كوارث
شكرا ليك انا كمان مش معتراها قصة موقف دار فى خيالى فكتبتة بعب فية عن روتين يومى الانسان بيمر فية لكن احينا بنلاقى شى يغيرة وان شاء الله سوف الاحظ اخطائى الاملائية
شكرا لك

*******************************
طارق الغنام
اشكرك جدا لاكلامك وياريت تنورنى كتير وان شاء الله هزور مدونتك حالا .

******************************
د / اياد
اشكرك جدا جدا واتمنى تتكرر الزيارة كتير

EmY يقول...

قصيره جدآ و جميله جدآ
اتمنيت لو كانت اطول علشان استمتع بيها لحظات اطول

تحياتي

Zika يقول...

بوست رائع ومدونه هاديه وجميله
بس ليا ملحوظه وانتي بتكتبي البوست
في الجزء بتاع
edit
ممكن تختاري اذا كان الكلام يبقي ناحية اليمين او في النص او علي الشمال
ياريت
تختاري
justify full
تحياتي

sendbad يقول...

الدنيا مجموعة من المواقف واللحظات وفي كل موقف ولحظة بنبهر ونزعل ونندم ونحزن ونتفاجئ ونتعجب
تحياتي الخالصة

ايوية يقول...

ايمى
شكرا ليكى ونورتينى

********************
ذيكا
متشكرة ليك ولكلامك وشكرا على النصيحة واتمنى تكرار الزيارة

*******************
سندباد
فعلا الدنيا مواقف سعيدة وحزينة تحياتى

monaliza يقول...

يا مابنقابل فى حياتنا كل يوم وعجبنى الوجوه المألوفة لديه يوميا
فعلا من كتر ماتتعودى تشوفى ناس كل يوم وبيعملوا نفس الاشياء وفى نفس المكان يربطك بهم شئ ما يعنى متهيألى لو يوم مثلا البطل ماشافش الطفلة الحاملة لحقيبة المدرسة والنظرة البريئة اكيد بينه وبين نفسه هيسأل ياترى هى مش هتروح المدرسة النهاردة ليه
بالتوفيق دائما

NIDAAL PAL يقول...

على السريع
مدونتك رااااااااااااااااائعة بس ما عرفتش اقرأ الحاجة بتركيز
بس حبيت اقولك انها مدونة جميلة جداً
تحياتى
نضال

ايوية يقول...

موناليزا
احينا فعلا بيحصلى الموقف دة كتير لما بحس ان فية حد من الى متعودة اشوفهم الصبح بيختفى فرتة بسال نفسى راح فين
تحياى ونورتينى

**************************
نضال
شكرا للزيارة واتمنى تكرارها

اسيرة قلبى

فى كل مرة اقسم  ان تكون الحرب واعد اسلحتى  لاواجهك بها  افضى  ما بقلبى اخبرك عما يؤلمنى منك  عن بكائى ليلا من تجاهلك لى و لوجودى لجرحك لكو...