الثلاثاء، 13 مايو، 2008

وحشتونى وحشتونى وحشتونى

وحشتونى جدا جدا جدا وشكرا لكل الى زارنى وسال عنى اخيرا  الحمد لله خلصت الامتحانات بخير وسلام ويارب النتيجة تبقى كويسة طبعا موضوعات كتير قوى حابة اكلمكم فيها حصلتلى فى الفترة الى فاتت بس هتوقف بس النهارضة على موضوع حصل امبارح واستفزنى بشدة وانا راجعة فى المترو انسة اسيدة طبعا مقدرشى احدد لانها منتقبة طلعت المتروا وبدات فى الزعيق بدون داعى علشان الناس تردد ورائها دعاء ركوب الدابة كما يرددون عن اسمة ياناس ماشى نقول دعاء بس ممكن نواكب العصر ونقول دعاء الركوب مثلا المولى عز وجل قال فى كتابة الحكيم ويخلق ما لا تعلمون يعنى لازم نساير العصر المهم ما علينا اعتدنا فى المترو على مثل هؤالاء الاخوات كما اعتادوا على تسمية انفسهم لكن المستفز والذى اصبح ظاهرة يجب الوقوف عندها تحول المترو الى حلقات لدروسهم الدينية وخطبهم الجوفاء وزعيقهم  وتنفيرهم لكل الناس من الدين السمح فى يوم امس كانت الخطبة عن الحب وصالت وجالت الاخت فى ان الحب محرم وذلك ان القران حرمة سيدتى العزيزة اعطى لى نص من القران يحرمة لم ترد  الحب حرام انا بقولكم اهو الحب معصية  لم تتحدث الاخت عن حب الاهل حب الوطن حب الزوجة لزوجها حب الام لابنائها لغت كل ذلك وان الحب حرام بكل انواعة الحب لله فقط وليس اسمة حب ايضا هو خشية الله  حتى الحب الالهى ايضا ترفضية وتسمية خشية الله نحن نخشى الله لا ننكرها ولكن نحبة افهم اختى ان توعى الفتيات على عدم التغرير بهم باسم الحب وان الحب  يجب ان يكون فى ظل اطار علاقة شرعية  نعم انما تحرمى الحب لانة بيعمل كوارث طيب العربيات بتعمل حوادث نحرم العربيات الاهم من ذلك هو تشوية ديننا السمح الذى يدعوا لكل العلاقات الانسانية الجميلة ومن ضمنها الحب حتى الحب هتحرمة علينا نموت بقى احسن  اتقوا الله فينا واتقوا الله قبيل ان تتقوة فينا ولا تقولوا على الله ما لا تعلمون 
احدى السيدات المسيحيات تكلمت معى بعد نزولى من المترو وقالتلى بالنص انا اعرفكم كويس واعرف عن دينكم الكثير وعارفة ان عمر دينكم وميحرم الحب النظيف بس غيرى ممكن يكون ميعرفشى وفية اجانب بيعرفوا عربى كتير بيكونوا فى المترو هياخدوا صورة وحشة قوى عن الدين الاسلامى 
الحقيقة لم اعرف ماذا اقول 
ليست المشكلة فى ذلك فقط هناك صغيرات فى المتروا مازال عقلهم يستعد لاستيعاب الاشياء والحقائق وفى ظل غياب التربية الدينية الحقيقية فى المنازل وفى المدارس لن يجدوا سوى تصديق مثل هولاء 
رحمتة بنا 
تحياتى

هناك 16 تعليقًا:

مـحـمـد مـفـيـد يقول...

ان شاء الله تجيبي تقدير وترجعي تدوني وتبدعي زي الاول

Miss. Sosa يقول...

السلام عليكم
حمدا الله علي السلامة وان شاء الله ناجحة وبتقدير امتياز

بخصوص قصص المترو ديه تستاهل مدونة لوحدها بعنوان مترو الانفاث وخصوصا درجة السيئات .. بحد اتخنقت من الدرجة ديه واللي بيجري فيها .. ربنا يهدي الناس

Desert cat يقول...

وحشتينى يا يويو
وربنا يوفقك وتنجحى بأمتياز باذن الله
بصى يا قلبى النوعيات دى للاسف هى اللى بتسيئ للاسلام وتشوه صورته
ومنتقبة المترو دى من اعطاها الحق انها تفتى وتحلل وتحرم فى المترو او فى اى مكان غيره ؟؟؟؟؟ ده مشايخ الأزهر مبيعملوش كدا .. يبقى الست الى بتفتى فى الدين غلط دى مين ادالها الحق لكدا
الا هو صوت المرأة مش عورة برضه
ولا هى لابسه النقاب منظر قطعه قماش على وجهها يبقى كدا اخدت تصريح بالفتوى ... بصى انا هكتب الكلمة اللى بتغيظ من على راسه بطحه امثال هذه السيدة وغيرها من يقولون مالايفعلون اكياس زبالة سودة متحركة
اه متعمدة اكتب الجملة دى علشان كل اللى على راسها بطحه تعرف انها طالما ارتضت تكون مظهر للاسلام فاما تكون قدوة للمسلمين ومراية لغير المسلمين ولو فعلت عكس ذلك من نراهم منتشرات على الكورنيش وامثال من ترتديه للسرقة او عمل فعل فاحس يبقى متقلش عن كيس الزبالة يمكن ابقى كدا ظلمته كمان
تحياتى ليكى
وربنا يوفقك ويبعد عنك شر الماكرين
مودتى يا جميله

sabrina يقول...

يارب يراضيك زي ما انت تحبي
عودا حميد يا يويو

مدحت محمد يقول...

حمد الله على السلامة ياباشا

نورتى عالم التدوين تانى

وان شاء الله تنجحى وتجيبى تقديرى

bar2ash يقول...

السلام عليكم
اول زياره ليا للمدونه الجميله دي
ومنظر اليس كريم مخليني مش مركز بس هنعمل ايه ربنا يسامحك

نتكلم عن البوست بقي
انا عارف ان اللي هيا عملته ده تهور وتسرع بس هي حاسه انه ده واجبها ناحية دينها بغض النظر بقي الاحساس ده صح ولا غلط
لكن اؤكد لك والله ان في منقبات عندهم حياء وحرام اوي ناخدهم بذنب اي حد بيستغل النقاب لاغراض اخري
ويكفينا فخرا ان امهات المؤمنين ونساء الصحابه بالاجماع كانو منقبات

ربنا يهدي كل نساء المسلمين يارب

ايوية يقول...

محمد مفيد
شكرا ليك ونورتنى ومن بققك لباب السماء

****************************
مش سوسة
فعلا اسمها عبربية السيائات لانك بتاخدى اكبر سيئة لما تركبيها
شكرا ليكى واتمنى تنورينى دايما .

**************************
قطة الصحراء
نورتينى وادعيلى انجح بجد كل يوم مع الصلاة والله عندك حق الموضوع بقى مستفز جدا .

************************
سابرينا
سابرينا الجميلة ربنا يخليكى .

*************************
مدحت محمد
شكرا للزيارة والدعوة .
*************************
bar2ash
,اولا شكرا للزيارة ونورتنى جدا واتمنى تكررها واتفضل الايس كريم
المشكلة انهم بيدوا دروس واغلبهم بدون علم كافى لكدة دة وجهة نظرى

monaliza يقول...

اولا عودا احمدا وان شاء الله بالنجاح
ثانيا:انا معكى فى ان اسلوب الاخت الداعية كان منفر بالصوت العالى وفرض الراى ولكن حبيبتى لماذا لا تأخذيها بمنطق تانى وهو انها خايفة على كل البنات من العلاقات المشوهة تحت ستار الحب والتى غالبا ماتنتهى بالزواج العرفى اعتقد انها كانت تقصد هذا ولم ترد حب الاهل والوطن وغيره لانها من وجهة نظرها تعتقد ان الجميع يفهمون قصدها
اما عن موقف السيدة المسيحية وكلامها معك كنتى ردى عليها حبيبتى قائلة بانها اسائت التعبير ولم تكن تقصد تشويه الاسلام يعنى من باب انصر اخاك ظالما او مظلوما
فى انتظار موضوعاتك
تقبلى مرورى

CAIROCOMPUTER يقول...

الأخت العزيزه صاحبة المدونه
تحيه طيبه
اسعدنا جدا زيارتك لمدونة برنامجنا عن النت والكمبيوتر واسعدنا كذلك رجاحة عقلك واخلاصك عند زيارة مدونتك ....لذلك نجن سعداء جدا بان تكونى من اصدقاء البرنامج وهو اول برنامج اذاعى عن النت والمدونات فى العالم العربى وبالمناسبه اقمنا مجموعه فى الفيس بوك بعنوان انا والنت ليروى من يريد كيف اثرت النت فى حياته لأذاعتها وندعك وندعو زائرى مدونتك المتميزه للأنضمام والكتابه عن تجاربهم مع النت وهذا طبعا يحتاج لعمل حساب فى الفيسبوك وكتابة انا والنت فى خانة البحث
وندعوك ايضا لزيارة موقعنا انت وزوار مدونتك وان تسمحى لنا بالأشارة فى البرنامج الى مدونتك وعنوان موقعنا
http://dear.to/cairo
ولتلقى اى ملاحظات لنا مدونه
http://netonradio.blogspot.com
وبالمناسبه موقعنا به كافة التفاصيل عن البرنامج وكيفية الأستماع الينا من اى مكان فى العالم
وبالتوفيق ان شاء الله
اسرة البرنامج الأذاعى انت تسال والكمبيوتر يجيب
ياريت تكتبى الينا اسمك على
netonradio@yahoo.com

ايوية يقول...

موناليزا
ممكن اعتبر كلامك صحيح من ناحية التحزير من الخاع باسم الحب ولكنة لا يكون بهذة الطريقة لابد من يتحلى الداعية بصفات هم يفتقدوها ليس لاصوت العالى هو ما يجعلها داعية فلتستمع الى الدكتورة عبلة الكحلاوى وكيف تحببك فى كلامها ولا تنفرك تحياتى.

@@@@@@@@@@@@
كايرو كمبيوتر
اسعدتنى الزيارة جدا واتمنى تكاراها

ذو النون المصري يقول...

مصيبتنا في الناس دي سوده
و الله الدعاء الذي اعتدنا ان ندعو به
اللهم لا تجعل مصيبتنا في ديننا تحقق عكسه علي ايديهم
اللهم ارحم الجميع

ايوية يقول...

ذو النون المصرى
اشكرك للزيارة وارجوا تكرارها وللاسف مشكلتنا فى التعامل مع الناس دة صعبة وحلها يحتاج مقاتل
تحياتى

الفارس الملثم يقول...

بداية انا مش عارف ايه حكاية الامتحانات دي , بس ان شاء ربنا يوفقك وتجيبي التقدير اللي عاوزاه ..

وللاسف في ناس تحب التكلم عن الدين وهم اسوأ دعاية للدين , وبالنسبه للحب ,الم يذكر الرسول صراحة حبه لزوجته عائشه , الم يقل الرسول ليس للمتحابين الا الزواج ,الحب عاطفه سامية مادامت كانت في اطار شرعي.

تحياتي
محمد

ايوية يقول...

الفارس الملثم
انا كنت بمتحن دبلومة فى ادارة الاعمال
وشكرا ليك بجد على سوالك
عندك حق فعلا انا بقصد الحب فى اطار علاقة شرعية وانا قولت ان حتى لو قصدها النصيحة بس عمر النصيحة متكون كدة
تحياتى

Capt. Haytham Harfoush يقول...

يعنى الحكاية دى فكرتنى بموضوع الباعة الجائلين و التحذير من التعامل معهم اللى كانوا بيدرسوه لنا فى ابتدائى زمان, يعنى بتاع الروبابكيا لما ينادى على بضاعته ماشى, و بتاع السودانى و اللب ماشى , قولتلى بقى الأخت بتبيع ايه فى المترو, "يعنى هى حبكت" فى المترو يانجصة,ثم دعاء ركوب الدابة ده ايه علاقته بالمترو و السيارة و الأسانسير, لازم يفهموا ان دى مش دواب دول هما اللى دواب مسخرة لشياطين الأنس بس هما مش واخدين بالهم, لو عندهم فكرة عن اللغة كلن يلاحظوا أن صيغة الدعاء لا تنطبق الا على الدواب المسخرة, و لو فرضنا أننى مخطئ, يبقى الدعاء مش لازم يكون جهرا. ايه اللى ركبها المترو مخترع المترو و صانعيه كفرة, ثم أنه لم يكن موجود فى زمن الرسول يعنى بدعة, دى المفروض تشوفلها ناقة تركبها و تجعر بقى فى صحراء الربع الخالى براحتها

معليش طولت فى التعليق, بس ده من حبى لأولاد ال.......... دول

تحياتى و تمنياتى بالتوفيق دائما

ايوية يقول...

كابتن هيثم
بالعكس لم تطول ويسعدنى وجودك وتعليققك وفعلا عندك حق يعنى لازم نحزر منهم الاطفال متسمعوش حد بيدى وعظ فى المواصلات اولى فعلا من اننا نقولهم مش تاكلوا شى من الباعة الجائلين لان دة بيعمل تسمم فى البطن ممكن نلحقة ويتعالج انما تسمم العقل صعب علاجة
تحياتى

التجربة

الحلقة الاولي تمهيد عندما  يظلم الواقع من حولك تبحث عن طاقة نور حتى لو صغيرة تحاول بكل طاقتك أن تتمسك بتلك البقعة الصغيرة من الضوء لو كنت...