الخميس، 27 ديسمبر، 2007

تاج تاج


تاج جالى هدية العيد من الجميلة اية صاحبة مدونة بلا نيلة ايامنا سابقا شكرا اية نبداء بسم الله الرحمن الرحيم

لو مكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟


والله وبصراحة كانت هتبقى حسب الدولة الى هكون بنتمى اليها ففى بعض الدول تتمنى لنا الخير وتساعدنا ودول اخرى بدون ذكر اسماء تتمنى لو اننا مشينا من الخريطة خالص واظن انتم عارفينها للاسف عربية


لوكنت أوروبي أو غير مسلم هتبقي إيه نظرتك للعرب والمسلمين؟

طبعا هنظر لينا كاننا همج وعايزين نتقتلهم لان احنا للاسف الى بنوصلهم الاحساس دة قبل غيرنا

لوقالولك إنت بقيت رئيس جمهورية هتعمل إيه؟

ياسلام والله هعمل حجات كتير قوى اولها هحاول اضع الرجل المناسب فى المكان المناسب وبكدة كل واحد هيصلح المكان الى هو فية

لوسمح لك برؤية الرسول عليه الصلاة والسلام وإنك تقوله كلمة واحدة ؟

سامحنا على تفريطنا فى حققك

لو كنا في عصر ازدهار الأندلس كنت تتخيل نفسك إزاي؟

انى هكون انسانة متعلمة بجد ومثقفة بجد وقاعدة فى حلقة ادبية بسمع الاشعار الاندلسية

لو خطبت واحدة أو اتخطبتي لواحدوأثناء الخطبة اكتشفت أو اكتشفتي إن الطرف الآخرغير قادر على الإنجاب هيكون ايه تصرفك؟

لو بحبة ومتاكدة انة احسن واحد ليا اكيد مش هسيبة الحب عندى اغلى من اى شى فلنفرض انى تزوجت انسان اخر وليس بينا حب هتسبب فى شقاء اولادى لانى جبتهم فى بيت خالى من الحب

لو طلعت القمر هتكتب عليه ايه؟

بكتب اسمك يا حبيبى

لو مررت التاج لحد وماجاوبش هتعمل ايه؟

والله هزعل بجد بس هقدر مشاغل الناس

نمررة بقى لمين

د / اياد

محمد سمير صاحب مدونة غمض عنيك

احمد صاحب مدونة الله الوطن المدونة




هناك 11 تعليقًا:

Ahmed AL-Hussany يقول...

ايويه ازيك عامله ايه
معليشي والله ظروف غصبن عني منعتني عن زيارتك
بس على العموم ملحوقه
اديني جيت وميرسي على التاج اللذيذ
وعلى فكره انا رديت عليه عندي
كل سنة وانتي والاهل طيبين
تحياتي

نقطة مية يقول...

عام سعيد و جميل زيك يا عزيزتي الغاليه و كل سنة و انتي طيبة

rack-yourminds يقول...

كل سنه وانتي طيبه وبصحه وبسلامه والاسره كلها

تحياتي وسلامي

EmY يقول...

Happy New Year
كل سنه و انتي طيبه عام جديد سعيد

احساس لسه حى يقول...

عزيزتى
كل سنة وانتى طيبة وبخير يا رب عليكى وعلى كل حبايبك اميين
اجابتك مظبوطه وواضحه وصريحه احيكى عليها
بس موضوع الانجاب ده مش عارف يمكن تتجوزيه بس تفتكرى هيستمر الجواز ولا ممكن ينتهى بعد فتره الله اعلم
سلام

MĕŢø & ŘǿŖêĔ يقول...

Happy New Year
كل عام وانت بخير يا رب

اجاباتك حلوه
والبلوج كلو حلو كتير

دمت بود

RoReE

غمض عينيك يقول...

تاج لذيذ وجميل منك يا ايه
هدية مقبولة
وبجد سعيد انك فاكراني رغم تقصيري

تحياتي
محمد سمير

مروة الزارع يقول...

اجابات رائعة
كل سنة وانتى طيبة

مدوناتك رائعة

فينك كل دة مش باينة ليةةةةة

DR.HAMAS يقول...

جميلة ردودك كلها

لاسيما لو كنتى رئيس جمهورية

و كلمتك للنبى صلى الله عليه و سلم

ربنا يكرمك يا رب




د.حمــــــاس

ايوية يقول...

احمد الحسينى

نورتنى بعد طول غياب وربنا يوفققك

-----------------
نقطة مية

فينك من زمان وكل سنة وانتى بالف خير

------------------
rack-yourminds

كل سنة وانت بالف خير

------------------

ايمى

كل سنة وانتى بالف خير يارب

------------------

احساس لسة حى

كل سنة وانت بخير
صدقنى انا صعب استغنى عن الحب ومدام بحب الشخص دة يبقى هرضة بقضاء ربنا

------------------

MĕŢø & ŘǿŖêĔ

كل سنة وانت بخير وارجوا تكرار الزيارة

--------------

محمد سمير

كل سنة وانت بالف خير ومتغبشى تانى
ربنا يوفققك


----------------

مروة الزارع

شكرا للزيارة واتمنى تكرارها

-----------------

DR.HAMAS

شكرا للزيارة
مفيش كلمة نقدر نقولها لنبينا غير سامحنا

نقطة مية يقول...

عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم

اسيرة قلبى

فى كل مرة اقسم  ان تكون الحرب واعد اسلحتى  لاواجهك بها  افضى  ما بقلبى اخبرك عما يؤلمنى منك  عن بكائى ليلا من تجاهلك لى و لوجودى لجرحك لكو...