الخميس، ١٣ ديسمبر ٢٠٠٧

خروف استرليا



كلاكيت خمسين مرة
كل عام وانتم بخير ومصر كلها بخير وخرفانها بخير طبعا بهنيكم بعيد الاضحى المبارك ويارب كدة كلنا السنة الجاية ان عشنا ان شاء الله يكون ربنا كرمنا ونقضى الوقت دة فى بيتة الحرام ان شاء الله يكرمنا جميعا طبعا هتستغربوا كلمة وخرفنا بخير والله الموضوع دة شغلنى كتير ومش عارفة اكتب فية ازاى كل عام وفى نفس الوقت من السنة وقبل بداية عيد الاضحى تبداء تلك المناوشات بداية بالسيدة برجيت بردوا وحملتها ضدد وحشية اولاد العرب وهمجيتهم مع الخرفان الى يا حرام بتتعذب لمابتتدبح بطريقة وحشية وتبداء المسيرات السلمية والمظاهرات منددين بوحشية اولاد العرب الى وصلنا الى السنة دة الى منعت العظيمة استراليا فيها تصدير الخراف الى مصر لية علشان احنا اشرار بنعامل حيوانتها بطريقة وحشة جدا المفروض اننا ندلعهم ونيمهم جنبنا ونطبطب عليهم اما والله غريبة هو فية اية هما مش لاقين شى يتلكوكولنا بية اية بقى الطريقة الى بنعذب بيها الحيوان اننا بنذبة بطريقة شرعية مش بالصدمة الكهربية زى مهما بيعملوا ان ربنا امرنا اننا نكون السكين حامية علشان الحيوان مش يتعذب ان ربنا امرنا الا يذبح حيوان امام حيوان اخر طريقتنا الشرعية مش عجباهم طيب ياريت هما يعاملوا البنى ادم فى جوانتناموا والعراق وفلسطين ربع همجيتنا احنا مع الحيوان دة لو كنا همجيين انا مع حظر استراليا تصدير الحيوانات الينا ولكن ليس لسبب اننا همجيين ولكن لانى لا اقبل ان اكل لحم رباة همجيين وارجع واقول ان المشكلة مش فيهم لا فينا لان بداخلنا من يدافع عن وجهة نظرهم فوجئت فى احدى قنواتنا المصرية احدى المدافعات عن حقوق الحيوان تساند وجهة نظرهم وكان الانسان فى بلدنا اخذ كل حقوقة ومبقاش فاضل غير حقوق الحيوان والغلطة الاكبر اننا وضعنا ايدينا تحت اسنان هؤلاء ومجبرين للاستيراد منهم يناس هو تربية الخرفان والحيوانات صعبة قوى يعنى محتاجة خبير اجنبى لو محتاجة نجيب خبير اجنبى من احدى القرى المصرية يمكن يربى شوية خرفان نغيظ بيها الخرفان الاسترالية ارحمنا يارب
وكل سنة وانتم بالف خير ونصيحة بجد مش تكلوا لحمة كتير علشان الصحة يعنى
لا تنسوا اليتيم فى العيد

هناك ١٢ تعليقًا:

الطائر الحزين يقول...

ايش جابنا احنا للخرفان
لا يكون عاوزانا نساوى بيهم وبحقوقهم

قمة المهانة

كل عام انت بخير
دعواتك
تحياتى

اسكندراني اوي يقول...

انا اللي وصلني ان سعر الخروف في مصر وصل 2000 الفين جنيه

؟؟؟؟؟؟؟؟؟؟؟؟؟؟؟؟؟؟

لان الست استراليا هانم رفضت تصدر لنا خرفان عشان الواوا اللي احنا بنعملها فيهم

طب اقول ايه

الطائر الحزين يقول...

ملاحظة
عندك فى الجانب مكتوب انا نزلنا الذكر وانا له لحافظون


الصح
انا نحن نزلنا الذكر وانا له لحافظون

rack-yourminds يقول...

اولا:كل سنه وانتي طيبه

ايه اخبار المذاكره معاكي

---

فعلا زي مقلتي فين اهتمامهم من المذابح اللي بتحصل في العراق وفلسطين ..حاجه فعلا تغيظ

تحياتي وسلامي

aya يقول...

ايوية
انا وحشة عارفة
عارفة انى اتاخرت اوى
بس معلش يا حبيبتى
الدنيا ملاهى ومراجيح
حبة فوق وحبة تهبدك لتحت لما حيلك يتقطم

ربنا يامح اللى كان السبب
اه لو احط ايدى على رقبة الاخ قاسم امين

يالا ما علينا
المهم يا قمر
انتى اخباارك ايه
يا ري تكونى بخير
-----------------

ندخل فى الجد
بصى يا امى
اللى يخلى مصر تستورد قطن اللى هو لعبتنا
وتجيب خبرا لصناعة النسيج
اللى هيا شغلتنا
ونستورد فوانيش اللى هو تراثنا
يبقى مش عيب اننا نستورد خرفان اللى هيا فيها من شعبنا

اللهم لا تءاخذنا بما بفعله السفهاء منا

كل سنة وانتى طيبة
وبراحتنا
دا عيدنا
وديه حيوانتنا
وبراحتنا

هابى عيد يا قمر

EmY يقول...

كل سنه و انتي طيبه عيد سعيد

البدراوى يقول...

كل سنة وانتى طيبة
عيد سعيد

ايوية يقول...

الطائر الحزين
كل سنة وانت بالف خير هو صعب اننا نتساوى شوية بحقوق الحيوان ياريت يهتموا بينا زيهم
شكرا للملحوظة ربنا يبارك فيك

__________________________
اسكندرانى
فعلا على رايك نقول اية
كل سنة وانت طيب

______________________________
rack-yourminds
كل سنة وانت بالف خير المذاكرة الحمد لله كويسة
اقولك لينا ربنا

_________________________
اية

كل سنة وانتى طيبة يا قمر انا مش بزعل من حد خالص
بس مالك بس زعلانة من الاخ قاسم امين
يلا بينى وبينك انا كمان سعات كتير بقول ربنا يسامحة
المهم برضة هناكل لحمة بالعند فى استراليا

_____________________

ايمى
وانت بالف خير

__________________

البدراوى
شكرا للزيارة والمعايدة وانت بالف خير يارب

Hossam يقول...

hello
i was thinking in post a theme about this topic.i adapted it from the 10th o,clock program but u r the winner lol.
hope c u soon
bye

ايوية يقول...

شكرا حسام على كلامك وعلى الزيارة اتمنى تكرارها
كل سنة وانت بخير

غمض عينيك يقول...

بس انا شايف ان احنا كمسلمين كان اولى بينا ان تأخذنا الرأفة بالحيوانات والمواشي حتى وان كانوا في سبيلهم للذبح

انا بجد احترمت القرار الاسترالي...المشكلة مش طريقة الذبح المشكلة هي المعاملة اللي بتلاقيها الخرفان من القائمين على الذبح

ومش ذنبهم ابدا ان احنا في بلد متخلف لا كرامة للانسان فيه

تحياتي واحتراماتي
محمد سمير

ايوية يقول...

غمض عيننك

اعتقد انهم بيعترضوا على طريقة الذبح

مش مجرد المعاملة

وأما الجدار

في رحلة حياتنا نصادف جدران عديدة  قد يلفت نظرنا روعة تصميمة ورونقة أو تهدمة وشقوقة  لكننا نمر وننسي الجدار الرائع الذي أدخل  البهجة لنفوسنا...