السبت، ١ سبتمبر ٢٠٠٧

اتولدت النهارضة

ميلاد طفلة جديدة لاحدى صديقاتى وشكلها وهية بتبصلى اوحالى بالموضوع دة
وبفكر انى اكمل يوميات طفلة اية رايكم اكمل ولالا


انا اتولدت النهارة

ازيكم يا عموا ويا طنط

انا اتولدت النهارضة اية دة هية الدنيا بتاعتكم كبيرة قوى كدة لية انا كنت فى دنيا صغيورة على قدى اية دة واية كل الناس دة ومالهم بيبصولى كدة لية اية ومالهم شكلهم غريب قوى كدة لية هما كبار قوى لية كدة الله واية الدوشة دة انا كنت مرتاحة مكنتش بسمع غير صوت جميل عمال يقول تك تك تك برضة بيبصولى هما مالهم مستغربين كدة لية انتم الى شكلكم غريب قوى وبجد لو مش بطلتوا تبصولى كدة هعيط اية دة هما مالهم هيعملوا فيا اية اية دة بتحطوا عليا اية سيبوا ايدى بتعملوا اية واية الى انتم حطتوة عليا دة انا محدش حط عليا حاجة قبل كدة صحيح انتم عندك برد غير الى كان فى دنيتى هو انا اية الى جابنى عندكم اية دة الى بتحطوة فى بقى دة مش عايز حاجة كدة اية انا سامع واحدة بتقول حط فى بقى التيتينة علشان تبطل عياط ابعدوا انتم عنى وانا ابطل عياط كل واحد عمال يشيل فيا شوية ويبوسنى انا زهقت مين دة انا سامعة كلمة بابا واحد غريب كدة بيقولى انا بابايعنى اية بابا دة اقولكم انا زهقت من بحلقتكم فيا انا هنام

سلام

هناك ١٣ تعليقًا:

rack-yourminds يقول...

البوست ده كتبتيه في يوميات طفله

بس كملي هذه اليوميات

من أول الطفوله الي الشيخوخه ههه


تحياتي لكي

Unknown يقول...

ايوة واحد انا بس حابة اعرف اكمل ولالا

مهبول ومهبوله يقول...

مبروووووووووووووووك
لولولولللللللللللللللي
عبقال عندك يام فاروق


:D
مهبول

rack-yourminds يقول...

كملي طبعا

Unknown يقول...

شكرا مهبول عقبال عندك

غمض عينيك يقول...

حلوة
انا فكرت اعمل يوميات فرح
اي رايك؟ تعالي نعمل بلوج مخصوص
بس عارفة
الناس الكبيرة يقولك ان البيبي لما بيتولد بيجي من وسع الرحم لضيق الدنيا
ايه رأيك في الكلمة دي؟

محمد سمير

Ahmed يقول...

الله حلو اوي البوست ده
بجد انا عمري ما فكرت ايه هو احساس
الطفل لما بيكون مولود
ولا بيفكر ازاي
خصوصا واحنا حواليه بنبص له ونبوسه بشكل مستمر
كملي عايزين نعرف بقيه الحكايه
تحياتي

Unknown يقول...

عندك حق محمد البيبى جة من الوسع للضيق
انا وافقة على فكرتك

احمد

انت فين من فترة مش باين
هكمل ان شاء الله انتظرونى

Abeer يقول...

بجد بعد اتخيل ايه اللي بيدور في دماغه لما بيشوف ناس غريبة .. حاجات غريبة
سبحان الله

الاطفال - المولودين - اجمل حاجة في الدنيا

كملي كملي

عروس البحر يقول...

الله بجد فكرة حلوة ان الواحد يفتكر ذكريات طفولته
تحياتي

Unknown يقول...

عبير

عروس البحر


شكرا للزيارة ولتشجيعكم ليا

aliaa يقول...

ههههههههههه
بجد جميلة يا ايه
ياعينى على النونه هيطهق من اول يوم
ماهو كان مرتاح فى الاول يلا معلش نصيبه بقى
بس بجد تسلم ايديك

Unknown يقول...

شكرا علياء وحمد الله على السلامة بس مش قولتى رايك اكمل ولالا

وأما الجدار

في رحلة حياتنا نصادف جدران عديدة  قد يلفت نظرنا روعة تصميمة ورونقة أو تهدمة وشقوقة  لكننا نمر وننسي الجدار الرائع الذي أدخل  البهجة لنفوسنا...