السبت، 1 سبتمبر، 2007

اتولدت النهارضة

ميلاد طفلة جديدة لاحدى صديقاتى وشكلها وهية بتبصلى اوحالى بالموضوع دة
وبفكر انى اكمل يوميات طفلة اية رايكم اكمل ولالا


انا اتولدت النهارة

ازيكم يا عموا ويا طنط

انا اتولدت النهارضة اية دة هية الدنيا بتاعتكم كبيرة قوى كدة لية انا كنت فى دنيا صغيورة على قدى اية دة واية كل الناس دة ومالهم بيبصولى كدة لية اية ومالهم شكلهم غريب قوى كدة لية هما كبار قوى لية كدة الله واية الدوشة دة انا كنت مرتاحة مكنتش بسمع غير صوت جميل عمال يقول تك تك تك برضة بيبصولى هما مالهم مستغربين كدة لية انتم الى شكلكم غريب قوى وبجد لو مش بطلتوا تبصولى كدة هعيط اية دة هما مالهم هيعملوا فيا اية اية دة بتحطوا عليا اية سيبوا ايدى بتعملوا اية واية الى انتم حطتوة عليا دة انا محدش حط عليا حاجة قبل كدة صحيح انتم عندك برد غير الى كان فى دنيتى هو انا اية الى جابنى عندكم اية دة الى بتحطوة فى بقى دة مش عايز حاجة كدة اية انا سامع واحدة بتقول حط فى بقى التيتينة علشان تبطل عياط ابعدوا انتم عنى وانا ابطل عياط كل واحد عمال يشيل فيا شوية ويبوسنى انا زهقت مين دة انا سامعة كلمة بابا واحد غريب كدة بيقولى انا بابايعنى اية بابا دة اقولكم انا زهقت من بحلقتكم فيا انا هنام

سلام

هناك 13 تعليقًا:

wahed يقول...

البوست ده كتبتيه في يوميات طفله

بس كملي هذه اليوميات

من أول الطفوله الي الشيخوخه ههه


تحياتي لكي

ايوية يقول...

ايوة واحد انا بس حابة اعرف اكمل ولالا

مهبول ومهبوله يقول...

مبروووووووووووووووك
لولولولللللللللللللللي
عبقال عندك يام فاروق


:D
مهبول

wahed يقول...

كملي طبعا

ايوية يقول...

شكرا مهبول عقبال عندك

غمض عينيك يقول...

حلوة
انا فكرت اعمل يوميات فرح
اي رايك؟ تعالي نعمل بلوج مخصوص
بس عارفة
الناس الكبيرة يقولك ان البيبي لما بيتولد بيجي من وسع الرحم لضيق الدنيا
ايه رأيك في الكلمة دي؟

محمد سمير

Ahmed AL-Hussany يقول...

الله حلو اوي البوست ده
بجد انا عمري ما فكرت ايه هو احساس
الطفل لما بيكون مولود
ولا بيفكر ازاي
خصوصا واحنا حواليه بنبص له ونبوسه بشكل مستمر
كملي عايزين نعرف بقيه الحكايه
تحياتي

ايوية يقول...

عندك حق محمد البيبى جة من الوسع للضيق
انا وافقة على فكرتك

احمد

انت فين من فترة مش باين
هكمل ان شاء الله انتظرونى

Abeer يقول...

بجد بعد اتخيل ايه اللي بيدور في دماغه لما بيشوف ناس غريبة .. حاجات غريبة
سبحان الله

الاطفال - المولودين - اجمل حاجة في الدنيا

كملي كملي

عروس البحر يقول...

الله بجد فكرة حلوة ان الواحد يفتكر ذكريات طفولته
تحياتي

ايوية يقول...

عبير

عروس البحر


شكرا للزيارة ولتشجيعكم ليا

aliaa يقول...

ههههههههههه
بجد جميلة يا ايه
ياعينى على النونه هيطهق من اول يوم
ماهو كان مرتاح فى الاول يلا معلش نصيبه بقى
بس بجد تسلم ايديك

ايوية يقول...

شكرا علياء وحمد الله على السلامة بس مش قولتى رايك اكمل ولالا

التجربة

الحلقة الاولي تمهيد عندما  يظلم الواقع من حولك تبحث عن طاقة نور حتى لو صغيرة تحاول بكل طاقتك أن تتمسك بتلك البقعة الصغيرة من الضوء لو كنت...