الأحد، 8 يوليو، 2007

صباح الخير يا امريكا

لانى بصحى بدرى من طبعى حتى يوم الاجازة فقد كنت من المتابعين لبرنامج صباح الخير امريكا او صباح الخير يا مصر سابقا

انا مش ضدد التطوير انما البرنامج بقى بصراحة مسخ وبقى اسفاف مش تطوير فوجئت بان البرنامج اصبح يخلو ا من مذيعات ومذيعين الاخبار الا فيما ندر واصبح ملئ بمذيعين من قنوات المنوعات والاسرة والطفل مع ان البرنامج تابع لقطاع الاخبار تحول البرنامح الى برنامج منوعات يقدم فية نشرة اخبار وتحليلات سياسية على استحياء ناهيك عن الميعات الاجانب فى شكل مصر لا يحملوا من مصريتهم سواء خانة مصرية فى البطاقة الشكل اجنبى واللهجة اجنبية اية دة ياربى انا بتفرؤج على تليفزيون امريكا ولا مصر المذيعة الامورة مش عارفة ترجمة فيرنتشر تبقى اية بالعربى وخد من دة كتير ولا بقى المذيع الظريف الى فاكر نفسة رايح الجنينة وبيلبس بنطلونات مقلمة ومشجرة و تش شرتات والله انا حاسة انها بتاعة اختة وشياكة تقولشى شعبان عبد الرحيم ولا المذيعات ولبسهم ولا الى الى واخدة لبس بنتها او اختها الصغيرة انا مش ضدد ان البرنامج يكون لطيف الصبح لان الناس لسة صاحية وراحة شغلها صحيح انا كنت سعات بزهق من كتر الاخبار الكتيرة والتحليلات السياسيةة الى مش مناسبة لفترة الصبح
لكن البرنامج بقى بجد مستفز اكتر من الاول والله فية برامج ممكن تكون خفيفة وفى نفس الوقت ملتزمة شوية وفية مذيعين ومذيعات اخبار دمهم لطيف برضة بس وقوريين شوية مش مسفيين قوى كدة البرنامج تحول الى برنامج منوعات تتخللة نشرة
ياريت يرجع زى مكان بجد عيب قوى اننا نصبح على مصر بالاسفاف دة

هناك 19 تعليقًا:

جزر يقول...

التليفزيون المصري اساسا يقرف ومبيجبش حاجه مفيده وانا مش متابع اي برنامج علي التليفزيون المصري خالص هيا ناقصه

تحياتي

ايوية يقول...

عندك حق جزر بس نعمل اية بقى تليفزيون بلدنا نرمية

Marvel يقول...

التليفزيون المصري كله على بعض مالوش اي لازمة اصلا...من اول صباخ الخير يامصر لبرامج الاطفال المملة للنشرات للمذيعات والمذيعين المستفزين

حتى البيت بيتك بتاع تامر امين بقى مستفز جدا

ايوية يقول...

انا معاك والاختلاف فى الراى لا يفسد للود قضية مارفيل بس بالش البيت بيتك لانى من معجبين هذا البرنامج لانة بجد برنامج هادف ومحترم

Ahmed AL-Hussany يقول...

بصراحة وبمنتهي الامانة
انا بقالي تقريبا ١٠ سنين لا اشاهد القناة المصرية
سواء فضائية او اولى او ارضية
واكتفي بذلك علشان ضغط الدم
تحياتي

ايوية يقول...

ليك حق احمد والله برامج تجيب الضغط بس الى مضايقنى ان البرنامج دة بيتذاع على الفضائيات

aliaa يقول...

بصراحة يا ايه كل برامج التليفزيون المصرى سواء ارضى او فضائى بقيت مملة ومستفزة لانى بحس ان المذيعين فيها بيحاولوا ينافسوا المذيعين اللى فى القنوات التانية ويقلدوهم لكن بتفاهه كده مالهاش معنى يعنى اصبحوا مسخه
والنفروض ان يكون المذيع ده قدوة لكن تعملى ايه تلاقى واحدة زى مانتى قولتى لابسه فستان عيله وواحد يلبس ملابس بنات بقيت حاجة بجد تقرف اوى
الواحد بيجيله الضغط منهم

موضوعك جميل اوى بس جابلى الضغط لانى افتكرت الاشكال دى

ايوية يقول...

سلامتك من الضغط علياء بس والله انا نفسى تليفزيونا يبقى كويس احنا عندنا الامكانيات الى تخلينا احسن ناس بس بنقلد فعلا على رايك

اسكندراني اوي يقول...

الحمد لله انا ما بشفهوش لا في اجازه ولا غيره
ههههههههههههه

ايوية يقول...

يابختك يا اسكندرانى

مبيتحرقشى دمك

الطائر الحزين يقول...

انا مش عارف العالم دى ليه بتعمل كدة
دا احنا عندنا من الهم والموضوعات
ما يكفى للمناقشة والتحليل
ل1000 سنة
تقومى تلاقى المذيع و لا المذيعة بيذيعوا أخبار تقطع القلب وهما ولا على بالهم

ياشيخة بلا قلة قيمة

الطائر الحزين يقول...

كتبت لحضرتك رد على مشكلة صديقتك ياريت تقرأية

ايوية يقول...

الطائر الحزين
شكرا للزيارة وفعلا برامجنا كلها بقت قلة قيمة

علاء يقول...

ده موضوع التجمع ياريت أعرف رأيك

المدوّن خانة

تخاريف دكتور يقول...

العيب مش ع التليفزيون المصري
العيب عليكي انتى انك فتحتيه
قال ياخدوا مصر قال

ايوية يقول...

واضح فعلا دكتور ان العيب فيا انا
شكرا للزيارة

مدونة كسبان يقول...

لا معندكيش حق بقى
ده حتى البرنامج بيعلم كل شخص
لمؤاخذه انه يتحكم فى نفسه وميهبدش الريموت فى ام دماغ المذيعة
أو فرافيرو اللى بيحيى معاها

أنصح كل شخص انه يتفرج على البرنامج ولو مرتين فى الأسبوع
لمدة 6 شهور
وان شاء الله هيبقى عندك مناعه طبيعية ضد أمراض الضغط والسكر

ايوية يقول...

تفتكر كسبان
انة علاج لللامراض دة ولا بيجيبهم

غمض عينيك يقول...

انتي لسه يا ايه بتتفرجي علي التلفزيون المصري

وبعدين البرنامج ده بالذات انا مشفتوش من ايام مكنت في ثانوية عامة

تحياتي ليكي

محمد سمير

اسيرة قلبى

فى كل مرة اقسم  ان تكون الحرب واعد اسلحتى  لاواجهك بها  افضى  ما بقلبى اخبرك عما يؤلمنى منك  عن بكائى ليلا من تجاهلك لى و لوجودى لجرحك لكو...