امايا ياما
امايا ياما
شدى الضفاير شدى ربطها عصبينى
لو قادرة ياما تقيديها قيديها وقيدينى
امايا ياما
جوايا اية
امايا ياما
جوايا لية
جوايا حيرة جوايا ضلمة
جويا طير قلقان فى عشة
لانا قادرة اسيبة ولا قادرة اهشة
وكلام فى سرك وبقولها مرة
عذاب بحسة عذاب وثورة
مش عارفة لية افتكرت الاغنية دة النهارضة يمكن لانى حاسة بقلق حسيت انها فعلا بتعبر عنى واعتقد عن كل واحد فينا لما يكون جواة شى مش قادر ينساة ولا قادر يحققة طير قلقان فى عشة فعلا ولما تحس انك نسيت الشى دة فاجئة وبدون سابق انذار تلاقى نفسك افتكرت رغبتك دة وحسيت بالقلق عايز تنسى ومش قادر وعايز تحققها ومش قادر كان جويا رغبة زمان انى اكون بالرينا متحققتشى ورغم انى راضية بما انا فية الان الا انى لما بشعر باى قلق او ضيق احلم بانى برقص وبطير وبحلق فى السماء وترجع رغبتى دة تلح عليا
ياترى هقدر انسى فى يوم ويهدى الطير الله اعلم
تعليقات
على العموم القلق طبيعي خصوصا بعد الامتحانات
وبالنسبة للشيء اللي جوانا فدا الحلم الجميل
عارفه ان احلى حاجة في الحلم انه حلم مش حقيقة
لانك كده بتتحكمي فيه وتشكليه على مزاجك
احلامك ملكك لوحدك انتي وبس
ارقصي وحلقي في السماء
ونصيحة بلاش تنسي خليكي فاكره
معليشي انا دبستك في تاج
ابقي عدي عندي وشوفيه
تحياتي