غرفة الانعاش

واكتشف انة يستطيع ان يحب ويعيش الحياة مرة اخرى ولكنة اختار محبوبة اخرى غيرها تناسبة فكريا وعقليا اما هى فقد كانت مثل غرفة الانعاش تعود بنا الى الحياة لكننا نخرج منها ولا نظل بها العمر نخرج منها للحياة لغرف اخرى نحيا فيها 

نظرت لهم وهم فى غاية السعادة والابتسامة على وجوههم فى يوم الزفاف كانت تضحك وقلبها يدمى من الحزن كانت تحلم بذالك اليوم بجوارة كم رتبت من خطط وتفاصيل دقيقة المكان الديكور الموسيقى الاغانى  كل شئ تخيلتة الا شى واحد فقط هى ليست بجوارة وانما تراة من بعيد  اصرت هى على ترتيب حفل الزفاف كهدية منها لهم ولان ذلك عملها كمصممة افراح لكن السبب الاساسى انها كانت تريد لة احسن زفاف فى العالم كانت تراة فى داخل ذلك الحلم لانة يستحقة حتى لو ليست بجوارة  
لم تكن معهم لم تكن تسمع اى شى مما يحدث ترسم فقط على وجهها ابتسامة ساذجة تدارى بها عقلها الشارد وكان حياتهم معا مسلسل واليوم الحلقة الاخيرة ولكنة خالف كل المسلسلات فلم يتزوج البطل البطلة ولكن البطلة كانت مجرد علاج استغنى عنة بمجرد ان عاد للحياة تذكرت اخر لقاء بينهم حينما هاتفها اريد ان اقابلك حالا لدى لكى خبر سار 
لا مبنفعشى فى التليفون لازم اشوفك 
حالا فى نفس المكان 
اوكى فى انتظارك 
ذهبت والفرحة تملى قلبها ارتدت احلى ملابسها تزينت ووضعت العطر الذى يحبة كان فى داخلها صوت واحد سيصارحنى بحبة اليوم 
وصلت ووجدتة مبتسم وسيم على وجة كل سعادة الارض وما ان جلست حتى وضع امامها علبة قطيفة كاد ان يقف قلبها من الفرح  الا انة بادرها بقولة اخيرا وافقت انها تتجوزنى الفضل ليكى انتى الى رجعتينى للحياة مرة تانية خلتينى اعرف ان لسة ليا قلب كاد قلبها ان يقف لم تكن مستوعبة  لم تكن تريد ان تستوعب  انتفضت قائلة كفاية انا مش فاهمة حاجة فى اية ودة لمين  
دة للانسانة الى حبتنى وحبيتها مكنتش اعرف انها بتحبنى بس لما رجعت للحياة مرة تانية وحبيت نفسى وخرجت من اكتئابى والفضل ليكى هتجوزها 
صرخت قائلة وانا فين انا فين 
انتى صاحبة الفضل فى انى احب الحياة مرة تانية انا عارف انك بتحبينى لكن احنا مننفعشى لبعض فرق سن وخبرة وحياة انتى بالنسبة ليا طفلة انما هى امرائة ناضجة انتى بحيويتك رجعتينى احب الحياة واتعلق بامل الباقى من الايام ولكنها وانا سنعطى بعض السعادة العاقلة  انتى عارفة انتى عاملة زى غرفة الانعاش المريض بيدخلها ولو خف خلاص بيخرج منها ميفضلشى عايش فيها العمر كلة ويدور على غرفة تناسبة يستمر فيها باقى العمر
غرفة انعاش 
نعم غرفة انعاش دة توصيفك الوحيد للى عملتية معايا
انطفى حلمها وقلبها واملها تركتة وذهبت وكل ما فى عقلها كلمة واحدة غرفة انعاش 
خرجت من الفرح بعد ودعتهم وتمنت لهم حياة سعيدة  وهى تقول لنفسها سارتب كل يوم حفل زفاف لن اكون فية سوى غرفة انعاش تسعد الجميع ولا تسعد

تعليقات

‏قال mohamed salah
تعرفي انا عملت كدا البنت اللى حبتنى عملتلها فراحها كنت فاكر ان دا صح لكن لﻻسف كان شكلى وحش ﻻن كتير كانوا يعرفونى ومردتش اروح اسلم عليها لقيتها بعتت بنت خالها تقولى لو مرحتش اسلم عليها هتسيب الكوشة وهتجيلي رحت وكانى باخد علقة موت واترينى قتلتها من غير قصد ربنا يسمحك فكرتينى

المشاركات الشائعة