الثلاثاء، ٢٢ يوليو ٢٠٠٨

الحلم

فقرائت اقاصيص الاطفال 
دخلت قصور ملوك الجان
وحلمت بان تتزوجنى بنت السلطان
تلك العيناها اصفى من ماء الخلجان
تلك الشفتاها ازهى من زهر الرمان 
وحلمت بانى اخطفها مثل الفرسان 
وحلمت بانى اهديها اطواق اللولوء والمرجان 

يا ترى بنت السلطان لو كانت عندها 30 سنة كان هيحلم بيها نفس الحلم وكان هيغنى لها نفس الاغنية مع خالص حبى واحترامى لشعر نزار بس  السوال دة الح عليا وانا بقراء القصيدة من فترة وفضل محاصرنى وخصوصا بعد مقال قراءتة كا موضوعة هل تقبل ان تتزوج من تجاوزت الثلاثين  وياريت مش عايزة حد يقولى مهو سن الزواج اتاخر ايوة اتاخر للبنات بس ولسة النظرة عندنا ان الراجل مش بيعنس وانة يتجوز فى اى سن يعنى الراجل الى بيكون نفسة ويكون وصل مثلا 35 سنة او 40 وبتحصل صدقونى بيدور على بنوتة صغيرة تكون كبيرها قوى 25 سنة  انما البنت الى عدتت الثلاثين بيكون نصيبها بقى ارمل او مطلق مع احترامى لتلك الفئتين بس انا اقصد شى تانى خالص غير الى ممكن يجى فى ذهن اى قارئ  وزى منا بقول مش عيب ان الارملة او المطلقة تتزوج ومش لازم يعتبر دة وصمة فى حياتها  انا بتكلم عن وجهة نظر متخلفة لو بنت عدت الثلاثين ولم تتزوج واتقدملها ارمل او مطلق  ولم ترتاح لة او لم يحدث قبول بينهم هتلاقى اول كلمة تقال لها متوافقى هو انتى لاقية غيرة  دة اخر فرصك واعرفى انك مش هتلاقى احسن من كدة الحقى الخر فرصة والحقى خلفى حتة عيل قبل العمر ميعدى انما لو واجهنا نفس الحالة مع بنوتة صغيرة  عشرين سنة مثلا وتقدم لها نفس الرجل بالرغم من انة ممكن يكون انسان كويس جدا هنلاقى الرد هوانتى كبرتى مستعجلة لية العمر قدامك بقى اول بختك يكون كدة لية هو انتى وحشة ولا ناقصك حاجة 
الرجل هو نفسة الرجل  الذى تقدم لكلتا الفتاتين  ولكن الرد مختلف فى كلتا الحالتين 
ارجع لسوالى هل لو بنت السلطان دة فوق الثلاثين كان نزار كتب الشعر وهل كان كاظم سوف يتكبد مشقة التلحين والغناء 

هناك ١٤ تعليقًا:

وميض ابتسامة يقول...

موضوع الزواج ده بقى شىء معقد ومكلكع
فى زماننا هذا .. وبالتالى فمعاييره اختلفت من مكان لمكان ومن شخص لآخر .. انا أتفق معك تماما ان ارتفاع سن الفتاه اصبح مشكلة..ومؤشر خطر لفرص الزواج. حيث ان الكثير يفضلها اسغر سنا..ولكن صدقينى الحكاية ممكن تمشى غير ما احنا بنفكر لان الزواج نفسة اصبح له حسابات أخرى أكثر تعقيدا ومتعلقة بالظروف المحيطة بكل الاطراف..
عموما ياريت البنات تقدم عقلها خطوة قبل قلبها حتى تستقيم الامور وياريت الاهل يفكروا بعقلهم وقلبهم معا فبناء اسرة يحتاج لتكاتف الحميع
والسلام..

Unknown يقول...

وميض ابتسامة
شكرا لتشريفك لى لاول مرة لكنى هنا الحقيقة لا اناقش موضوع العنوسة ولم اقصد ان اتكلم فى ذلك ولا فى موضوع تاخر سن الفتاة انا اتحدث فى نقطة مختلفة تماما الكيل بمكيالين الفرق بين من تجاوزت الثلاثين والاصغر سننا منها فالرجل الذى كبر فى السن ايضا لماذا لا يتزوج من تناسبة عقلا لماذا يعتبرها بضاعة قديمة انتهت مدة صلا حيتها
تحياتى

فارس بلا جواد يقول...

ابويه
ازيك
الحقيقه مدونتك هايله جدا

بوست مميز
تحياتى

الطائر الحزين يقول...

نصنع المشاكل و نصدقها ونبحث لها عن حل

كل هذا تراث بال وثقافة مسلسلات

وما هذا من الدين فى شىء

Unknown يقول...

فارس بلا جواد
اشكر الزيارة وكلامك الجميل تحياتى بس مش عرفت رايك فى الموضوع

الطائر الحزين
شكرا لانك اخرجتنى من الدين تحياتى مرة اخرى

منه مرتجى - عازفة الأوتار يقول...

ايوية

مدونتك جميلة جدا
لو حسبناها بزواج الصالونات فاعتقد ان كلامك كله امر مسلم بيه
لان ده عرف و عادات اجتماعية صعب جدا نغيرها
إلا لو تدخل الحب

الانسان ممكن يحب انسان مهما كان عمره و وضعه
بشرط انه يحس ناحيته بالأمان و الطمأنينة
غير كدة بتكون الاعراف السائدة هى صاحبة الكلمة الاولى و الاخيرة

و اجابتى على تساؤلك بخصوص ابيات قصيدة نزار
انها لو فى الأربعين بردو حيغنيلها كدة
امال ليه سموه حب
( يقطع الحب و سنينه )


تسلم ايدك و انا سعيدة جدا بمدونتك الرقيقة دى

بس فى ملف بلاير بيطلع مع صفحة مدونتك بيعلق الجهاز فترة
ياريت لو تقدرى تلغيه او تشيليه
و لو حاطة ملف موسيقى عليه
قوليلى و انا ممكن اقولك على موقع حلو اوى تقدرى ترفعى عليه المقطع اللى انتى عايزاه و خفيف جدا على الصفحة

غمض عينيك يقول...

ماهو بردو يا اية صعب بنت السلطان توصل للتلاتين من غير ماتتجوز هو يعني ابوها دا اي كلام دا سلطان بردو

يعني انا قلبتها هزار لأني مش لاقي كلام اقوله...سؤالك مجاوب نفسه وزي ماقال الطائر الحزين
"" نصنع المشاكل و نصدقها ونبحث لها عن حل
كل هذا تراث بال وثقافة مسلسلات""

وهذا يكفي

تحياتي
محمد سمير

aya يقول...

ايوة يا آية

ممكن
ويتكبد عناء انه يالفلهاالف مليون قصيدة ويحلنلها ديشليار اغنية

الحب عمر ما كان ليه سن يا آية
لا تلاتين ولا اربعة ولا ستين

انتى بتكلمى فى قضيتين مختلفتين قضية الحب والجواز

الحب مالوش سن وده ردا على سؤالك الاخير خالص
اما بقيت الكلام
فيه حاجة اسمها المكتوب يا آية
مش المفروض ان بنت التلاتين تيأس
وتتاكد انها مافيهاش عيب
لكن ربنا كاتبلها انه يختبر صبرها
عشان لما يديها هدية من عنده تعرف تقدرها ويبقى ليها تمن عندها

--------------------
على جنب بقى

انتى فين يا وحشة غايبة عننا
بجد وحشتينى اوى
ومستنياكى هناك فى المكان اللى بالى بالك
فى اسرار كتير فى البير محتاجاكى

فى انتظارك يا جميلة

ووالله وحشتينى

Unknown يقول...

شكرا ليكم جميعا ولتشريفكم
الحقفيقة محدش فهم وجة نظرى انا لا اتكلم عن عن شكوى شخصية ولا تراث مسلسلات ولا عن تاخر سن الزواج ولكن اتحدث عن الكيل بمكيالين فى بلادنا واسفة لو كنتم فهمتم موضوع غلط او كنت منقدرتش اوضح وجهة نظرى انا لا اتحدث عن اى مشكلة شخصية وتحياتى ليبكم جميعا
العزيزة اية انا مبقولشى المكتئبة ولا الصبر ولا اى شى
انا بتكلم عن واقع موجود فى مجتمعنا اسمة الكيل بمكيالين واسمة كمان الفرق بين الصغيرة والكبيرة فى مين الى ممكن تنقية انتى لسة صغيرة ممرتيش باى تجارب من النوع دة عموما تحياتى ليكم جميعا و

Dr. Eyad Harfoush يقول...

صديقتي أيوية
شكرا للموضوع الهام الذي اظنه يهم الكثيرين و الكثيرات، لقد أثرت نقطة غاية في الاهمية، و لكنك يا عزيزتي تتحدثين عن الثلاثين و كأنها الخمسين؟؟ سن الزواج للمرأة اظنه فعلا اليوم من 30-35 سنة، و الرجل اللي عمره 40 سنة و بيدور على 25 سنة ده غالبا مراهق كبير عمرا فقط و ليس عقلا، أو عاوز واحدة لا تشاركه عقله

المشكلة بعمقها عندنا يا صديقتي ان الزواج هاجس اجتماعي و قرار اجتماعي، لو هو قرار رجل و امرأة فقط سيختلف الوضع، و ستنهار مقاييس الجديد و المستعمل التي تحدثتي عنها يا عزيزتي

تحياتي و تقديري

momken يقول...

افضلوا ارفضوا واقبلوا فينا اكننا عناقيد عنب مفعص
ماشى ياستى

المساله ببساطه ان ربنا موزعها
اصل الى اصبح عمرها تلاتين كانت تسعتاشر فى يوم من الايام
ورفضت الكتير

وجاء اليوم التى يرفضها البعض
ليه البنت بس بتدى روحها حريه الرفض والقبول
مش الراجل بنى ادم برضه؟؟؟؟؟

لكن فى حاجه
والله لو فى حب مش مهم سن حبيبتى كام ولا هى اكبر منتى ولا اصغر منى
وطظ فى المجتمع
المهم اعيش مع حد يريحنى ويفهمنى باقى حياتى

ومتصدمش انى اخدت واحده اعقل منى واكثر وقارا منى
او شخصيتها اقوى منى بكثير
دى بس اوجه الخوف او التردد فى اخذ البنت الاكبر سنا

لكن ولا تلاتين ولا اربعين ولا حاجه
وتذكرى دائما ان رسول الله لم بنجب الا من السيده خديجه
وتزجها وهى تربعين سنه ولم ينجب الا منها جميع بناته
حتى الشيده عائشه لم ينجب منها

البوست حلو
بس انا اعتقد انى ممكن اتجوز وحده فوق التلاتين مادامت روحها لا زالت فى الرابعه عشر

تحياتى

Desert cat يقول...

ازيك يا ايوية
فى مجتمعنا الكثير من المتناقضات يا يويو
يعنى الراجل لو بتتناقشى معاه اللى هو نفسه فى الارعبين او الخمسين حتى يقولك مالها البنت اللى فوق التلاتين على الاقل نناضجة وفاهمه وواعيه
انما الصغيره بتكون طايشه
طيب يا عم الحاج هتتجوزها يقولك لالالا انا اتجوز واحدة صغيرة علشان ترجعنى شباب تانى وكان اللى فوق التلاتين رجلها والقبر يعنى يادوب تجهز الكفن
الكلام حاجه والفعل حاجه تانية خالص مجتمع منتهى الازدواجية
مودتى يا جميل

اعشق فى الليل ضوء القمر يقول...

مش عارف والله
لكن أظن الحب لا يحمل سن معين لكن نظرة الزواج تختلف من رجل ورجل ومن فتاه وفتاه أخرى
سؤال بيدور بين الناس وكلامك صح
لكن السؤال بنت السلطان كانت هتوافق براجل كبير وهى سنها صغير ولا
لكن أظن نزار وكاظم كانوا هيكتبو ويلحنوا برده علشان هى
بنت السلطان

Unknown يقول...

اشكركم جميعا فعلا
عزيزى الدكتور اياد
اعتقد ان لو المجتمع ترك كل انسان فى حالة لن تصبح هناك اى مشكلة تحياتى لك

عزيزتى قطة الصحراء
لمستى ما فى عقلى فعلا وما كنت اود قولة تحياتى لكى
عزيزى ممكن
فعلا الموضوع نصيب فى الاول والاخر بس فى ناس مخها صغير او متقوليلة واحدة فوى التلاتين على طول يقول فيها عيب من قبل ميفكر حتى يكلمها

اعشق فى الليل ضوء القمر
بنت السلطان او اى ببنت لو حبت مش بيهمها السن الرجالة فى مجتمعنا هما الى بيحطوا الموضوع دة عائق


اقولكم شى اخير سمعتة من سيدة زميلة كانت واحدة بتكلمها عن عريس متقدم ليها وبيسئلها فى التليفون عن شكلها ومواصفتها فقالتلة انت هتشوفنى فكان رد السيدة الفاضلة هو مهو بيطمن اصل مدام واحدة عدت الثلاثين بدون زواج اكيد فيها عيب
ادى مجتمعنا
تحياتى للجميع

وأما الجدار

في رحلة حياتنا نصادف جدران عديدة  قد يلفت نظرنا روعة تصميمة ورونقة أو تهدمة وشقوقة  لكننا نمر وننسي الجدار الرائع الذي أدخل  البهجة لنفوسنا...