ليل الشتاء



دخل الشتاء وقفل البيبان على البيوت

وجعل شعاع الشمس خيط عنكبوت

حجات كتير بتموت فى ليل الشتاء


لكن حجات اكتر بترفض تموت





اعترف بانى كائن شتوى ينشط بمجرد دخول الشتاء كم كنت احلم ان اسكن فى مدينة

ساحلية بالرغم من عشقى للقاهرة وحى شبرا خصوصا الا ان حلمى بالسكن فى مدينة

ساحلية نابع من حبى للشتاء كم اعشق ان ارى العالم بعد المطر احس انة يغسل الدنيا

الاشجار تلمع وتتنفس بعد ان ازيح عن كاهللها تراب الصيف الكثير السماء الصافية بعد

المطر اشعر بانى شخصيا اغتسل من داخلى بوجودى تحت المطر اشعر انة انقى ماء

يمكن ان يغسل رواسب الحزن داخلى على عكس كل الناس لا يشعرنى جو الشتاء


والامطار بالحزن او الكئابة
بالعكس اشعر بانى احيا بماء المطر كم اتمنى ان يصبح كل

العام شتاء
الدنيا من غير الربيع ميتة

ورقة شجر ضعفانة ومفتفتة

لا يا جدع تامل وشوف

زهر الشتاء طالع فى عز الشتاء

تعليقات

‏قال خمسة فضفضة
السلام عليكم ورحمة الله وبركاته

اختلف معاكي ، مش بحب الشتا والحبسه في البيت والكلفته بالهدوم والاغطيه
بس بحب اوي المطر وريحة الجو بعديه

ربنا يسعد ايامك وكل سنةوانت طيبه
الشتا كله على بعضة

حلو

المطر والهوا بعدة
والسير تحته

بزهر او بدون زهر

طال الليل او قصر


تحياتى
‏قال DR.HAMAS
أختنا الكريمة ايوية

ربنا يكرمك

هو الصراحة انا من كارهى الشتاء

و من كارهى الطين اللى فى الشوارع

و من كارهى النوم اللى بيتميز بيه الشتاء

و استغربت انك بتحبى الشتاء

اللى بحبه فى الشتاء بس وقت نزول المطر
و استجابة الدعاء فيه

على العموم طبيعى مش كل الناس زى بعض

مهو لو الكل بيكره الشتاء

مين هينتج فى الشتاء؟

هى حكمة ربنا برضه

جزاكم الله خيرا




د.حمــــــاس
‏قال Dr. Eyad Harfoush
عزيزتي آية
من يرى شجن الشتاء و نور الليل ، فهو البصير بيننا ، تحياتي و تقديري
‏قال rack-yourminds
انا كمان بحب الشتاء وبكره الصيف جدا

بس هو انتي لسه فاكره ان الشتاء وصل ده الشتاء قرب يودع ههههههه

تحياتي وسلامي
‏قال غمض عينيك
ايوية الجميلة
شتاء ايه بس اللي جميل وانهي مطر دا اللي بيغسل الدنيا يا اية
الكلام دا في مصر

دا المطر اللي نزل من يومين بهدل الشوارع والعريات ونزل على الناس والبيوت عمل معاهم احلى واجب


لا ياعم انا بحب الشتا بس مش بتاع مصر..بحبه زي ماقلتيه كده


كل سنة وانتي طيبة

محمد سمير
‏قال ايوية
خمسة فضفضة

ربنا يسعدك وكل سنة وانتى بخير
اختلفت الناس فى حب الشتاء وان كنت من عشاقة الاختلاف لا يفسد للود قضية شرفتينى

------------------------

الطائر الحزين

فعلا جميل قوى ليل الشتاء
شكرا للزيارة
------------------------

DR.HAMAS

فعلا حكمة ربنا فى اختلاف حبنا للفصول المختلفة
وعندك حق ما اجمل الدعاء عند نزول المطر اللهم اجعلنا مستجابى الدعوة

-------------------------

د / اياد

تحياتى وتقديرى وصدقنى لو الناس تحس جمال ليل الشتاء ورومانسيتة هتحبة


----------------------------

rack-yourminds

الشتاء الحقيقى يبداء عندى وقت نزول المطر وبداية شهر طوبة
تحياتى

-----------------------------

غمض عنيك

تعرف بيت الشعر القائل كن جميلا ترى الوجود جميلا

انا بقى مش بشوف غير المطر والخير الجميل معاة اما بقى الطين والى بيحصل فى شوارعنا دة احنا الى عملناة مش المطر
تحياتى ليك
عزيزتى
لكل فصل الميزه بتاعته يعنى الشتا لما اكون ساكن فى شارع واسع والجارى فيه كويسه غير ما اكون ساكن فى حته الشتاء بيتحول لطين والمجارى مش قادرة على الشتا

والصيف وانا ساكن على البحر غير ما يكون وانا ساكن فى الصحرا

بس معاكى حق المطر شكله جميل ومريح جدا
سلام
‏قال raspoutine
اجمل ذكرياتى اللى بفتكرها كلها فى الشتا


تحياتى
‏قال ايوية
احساس صريح وحى

مازال للشتاء رونقة الخاص عن كل الفصول عندى مهما حدث منة ومهما كان شكل شوارعنا

راسبوتين

نورتنى وشكرا ليك ارجوا تكرار الزيارة
ربنا يحقق ليكي امنيتك
على فكره السكن على السواحل له طعم خاااااااص
اساليني انا
‏قال ايوية
اسكندرانى قوى

فعلا السكن على السواحل اجمل شى وبالذات فى الشتاء
شكرا للزيارة

المشاركات الشائعة