اتولدت النهارضة
ميلاد طفلة جديدة لاحدى صديقاتى وشكلها وهية بتبصلى اوحالى بالموضوع دة
وبفكر انى اكمل يوميات طفلة اية رايكم اكمل ولالا
وبفكر انى اكمل يوميات طفلة اية رايكم اكمل ولالا
ازيكم يا عموا ويا طنط
انا اتولدت النهارضة اية دة هية الدنيا بتاعتكم كبيرة قوى كدة لية انا كنت فى دنيا صغيورة على قدى اية دة واية كل الناس دة ومالهم بيبصولى كدة لية اية ومالهم شكلهم غريب قوى كدة لية هما كبار قوى لية كدة الله واية الدوشة دة انا كنت مرتاحة مكنتش بسمع غير صوت جميل عمال يقول تك تك تك برضة بيبصولى هما مالهم مستغربين كدة لية انتم الى شكلكم غريب قوى وبجد لو مش بطلتوا تبصولى كدة هعيط اية دة هما مالهم هيعملوا فيا اية اية دة بتحطوا عليا اية سيبوا ايدى بتعملوا اية واية الى انتم حطتوة عليا دة انا محدش حط عليا حاجة قبل كدة صحيح انتم عندك برد غير الى كان فى دنيتى هو انا اية الى جابنى عندكم اية دة الى بتحطوة فى بقى دة مش عايز حاجة كدة اية انا سامع واحدة بتقول حط فى بقى التيتينة علشان تبطل عياط ابعدوا انتم عنى وانا ابطل عياط كل واحد عمال يشيل فيا شوية ويبوسنى انا زهقت مين دة انا سامعة كلمة بابا واحد غريب كدة بيقولى انا بابايعنى اية بابا دة اقولكم انا زهقت من بحلقتكم فيا انا هنام
سلام
تعليقات
بس كملي هذه اليوميات
من أول الطفوله الي الشيخوخه ههه
تحياتي لكي
لولولولللللللللللللللي
عبقال عندك يام فاروق
:D
مهبول
انا فكرت اعمل يوميات فرح
اي رايك؟ تعالي نعمل بلوج مخصوص
بس عارفة
الناس الكبيرة يقولك ان البيبي لما بيتولد بيجي من وسع الرحم لضيق الدنيا
ايه رأيك في الكلمة دي؟
محمد سمير
بجد انا عمري ما فكرت ايه هو احساس
الطفل لما بيكون مولود
ولا بيفكر ازاي
خصوصا واحنا حواليه بنبص له ونبوسه بشكل مستمر
كملي عايزين نعرف بقيه الحكايه
تحياتي
انا وافقة على فكرتك
احمد
انت فين من فترة مش باين
هكمل ان شاء الله انتظرونى
سبحان الله
الاطفال - المولودين - اجمل حاجة في الدنيا
كملي كملي
تحياتي
عروس البحر
شكرا للزيارة ولتشجيعكم ليا
بجد جميلة يا ايه
ياعينى على النونه هيطهق من اول يوم
ماهو كان مرتاح فى الاول يلا معلش نصيبه بقى
بس بجد تسلم ايديك