المدون لما يسعد
المدون لما يسعد يجيلة تاجين مرة واحدة
او على راى العزيز اسكندرانى اوى موسم التاجات وانا جالى تاج تانى من العزيز
سمير صاحب مدونة غمض عينك
هيحصل أيه لمدونتك لما تموت ؟؟
والله مش عارفة مفكرتش فى الموضوع دة قبل كدة بس ممكن ادى حد الباس ورد يكمل بعدى
أديت الباسوورد لحد قبل كده ؟
كانت أيه طبيعه علاقتك بيه؟
لا
أسمك؟
اية ريحان
المشهور بيه وسط أصحابك؟
ايوية
عمرك؟
ولية الاحراج بقى
30
دراستك ؟؟ مجالك ؟؟
ليسانس اداب علم نفس
اخصائية نفسية
شخصيتك نوعها ايه؟
شخصية عادية هادئة واميل للهدوء بشكل كبير وابعد عن الدوشة
السفر بالنسبه لك ؟
تعرف على ناس واماكن جديدة
وقت فراغك بتعمل ايه ؟
القراءة والكمبيوتر
المود بتاعك؟
يعنى بحب الهدوء
الأكله المفضله
المكرونة بالبشاميل
الصفات التى أخذتها من بابا ؟
لا تاجل عمل اليوم الى الغد
الصفات التى أخذتها من ماما ؟
الهدوء
أكتر ست حاجات بتكرهها ؟
استغلال النفوذ
عدم احترام المواعيد
الظلم
الغباء والاستغباء
البسلة
محشى الكوسة
أكتر ست حاجات بحبها ؟
الزرع
البحر
شبرا
الملوخية
الفراخ
الاطفال
الشغل بالنسبه لك؟
اكيد جزء من حياتى بصراحة مش المهم قوى فيها بس جزء منها مقدرشى استغنى عنة
الأنترنت بالنسبه لك ؟
شى مهم بجد فى حياتى
امررة لعلياء واحمد تكملة للتاج السابق
وشكرا محمد سمير للتاج
تعليقات
خلي المستخبي يبااااان
ههههههههههههههه
ظريف التاج
والاظرف الاجابات
مانجلكيش في تاااااااااااااج
للزيارة والتعليق
وربنا ميجبشى تاج تانى
واجابات جميلة
بس ازاي مش بتحبي البسلة دي جميلة انا طبعا معاكي في محشي الكوسة وعامة في اي محشي او كوسة
احنا بنشكر اللي بعتوا التاجين
خلونا نتعرف اكتر عليكي
تحياتي
شكرا على قبولك التاج
اجابتك جميلة اوي
ةتحيا شبرا وبنات شبرا
:)
تحياتي ليكي
محمد سمير
تسجيل حضور واجي اقرا واعلق
تحياتي ليكي
اجاباتك حلوه
تحياتي ليكي
وحيد
حمد الله على السلامة وشكرا للتعليق
والله زى مقولت لاحمد انا والبسلة لا نجتمع فى مكان
رغم التاج ده صغير اوى
بس بجد باين عليكى صريحه وتحبى الوضوح
كفاية انك قولتى سنك بمنهى الوضوح
تحياتى ليكى
سلام
شكرا لكلامك وبلنسبة لسنى مش هغير الواقع دى حقيقة لا مهرب منها
البسلة
فاكهة الخضروات لا لا لا زعلتينى بجد
مبروك التاج وربنا ما يحكم عليكى بتاج تانى
شكرا ليك بس اعمل اية فى موضوع البسلة كلكم زعلنين كدة خلاص علشان خاطركم هصاحب البسلة
تحياتى لكى
شكلك مش بتحبي تشيلي فكة
إجابات جميلة ومدونة جميلة
اتمنى أكون ضيف تقيل .. عفوا قصدي .. احم العكس طبعا
شكرا للزيارة وكلماتك الرقيقة
علوة
انت دايما ضيف خفيف وسعيدة بزياراتك دايما
بس حلوه اوي حكايه البسله و الكوسه دي
شكل الناس كلها بتحبك وبتقدرك تحياتي لكي
شكرا للزيارة واتمنى تكرارها
وشكرا لكلامك الرقيق
و ذنب مغفور
ابو مفراح
بس شكل المدونه كده كويس
يارب يغرفلنا ذنوبنا جميعا
يارب وحيد يكون شكل المدونة كدة حلو
شكرا لك علي التعريفات البسيطة...
تشرفنا بمعرفتك.
و بما انك دارسة لعلم النفس...ففي رأيي انك تستطعين معرفة عدم الوفاق بينك و بين البسلة...ههههههه.
أكيد ستصلي لشيء مدفون في العقل الباطن او اللاشعور....الا إذا كنت لا ترغبي في معرفة السبب....
تحياتي و تقديري....سلام.
والله انا موضوع البسلة دة مش قادرة اوصلة لحل واضح ان الرغبة فى اخفاء الموضوع جامد فى العقل الباطن
هحاول اعرف واقولك
منتظرين حاجه جديده
تحياتي
فرصة سعيدة اتعرفت عليكي اكتر من التاجز دي
اوروفوار
البسلة
محشى الكوسة
أكتر حاجتين كفاءة انهم يحولوا البني آدم لمطب
ألف هنا وشفا
على فكرة فعلا الخلفية جميلة بس اللون مش كارف عليها
الجديد قادم
طهقانة شكر ا للزيارة حاضر هغير الالوان
الكوسة والبسلة مضايقة كل اناس كدة يا علوة طيب اعمل اية احبهم ازاى