اجل غير مسمى

طيب واخرتها معاك اية مفيش خلاص ايد هطبطب عليك  وقت وجع  مفيش حد تقولة وحشتنى ومحتاجلك ينزل يشوفك ولو كان وراة  مشاغل الدنيا كلها هتفضل لامتى  بردان  حتى فى عز الصيف هتفضل لامتى ناسى نفسك عشانهم وفى الاخر كل حد فيهم بيسيبك وحيد سهران لياليك هتفضل لامتى مجرد صندوق لاسرارهم وحكاياتهم هيبقى ليك امتى صندوق وحكايات لكن وحتى لو عندك مين هيسمع ليك منهم امتى هتكون بطل حكاية زيهم بس حتى وقتها مين يسمع ليك ويفرح معاك ويحزن معاك زي مكنت بتعمل معاهم  حتى لما تبقى عندك حكاية هتفضل وحيد مفيش الى تقاسمة فرحك وزعلك اتكتب عليك تبقى بير . بير عميق ملوش نهاية  طعمة مر بارد قوى وضلمة بيرموا فية حكايتهم 

وكان رد القلب عنيف

انت الى موتنى ايوة موتنى بحساباتك  وقلقك وخوفك وهروبك فى كل مره يقرب ليك اى حد عامل شروط بشعة واختبارات مستحيلة تعجز اى حد يقرب منك  بتلومنى وتجلدنى وتعذبنى لية بتتهمنى لية انا  بارد مر ايوة لكن السبب مين انت نعم انت الذى غرقت فى همومهم ومشاكلهم ونسيتنى ونسيت نفسك والان تتهمهم وتتهمنى

لاول مرة يلمح القلب دمعة محبوسة فى العقل الذى رد وبصوت تخنقة الدموع والوجع المكتوم

هل تخيل انى ارغب فى تعذيبك انا مثلك ابحث عن من يسكنك انا افضل منك ابحث لك عن من لا يجرحك لا يعذبك لا يتركك فى منتصف الطريق اما انت فدائم التعذيب لى دائم تجريحى وجلدى واتهامى انى اريدك قلب وحيد انى اريدك ان تظل فى برودتك لا يحمل اليك احد دفئ الحب اعلم انك عضو دائم فى نادى القلوب الحزينة اليس افضل لك من نادى القلوب المحطمة الجريحة انتظر الاجابة واعلم انى لن اسمعها

وقف القاضى فى النهاية حائر فى تلك القضية لا يعلم يحكم لمن ويتهم من

اجل القاضى القضية الى اجل غير مسمى

خيط قدر

وكان ما يربط بيننا خيط قدر لا نستطيع منة فكاكا وكاننا كروح هائمة ظلت تبحث عن جسد تسكن فية لتنهي سنوات الشتات  الا اننا تقابلنا كطريقين تقاطعا ثم افترقا كل في طريقة في اتجاة واحد لكن لا يتقابلا  الا مرتين في رحلة الذهاب واخري في رحلة العودة  يعيدوا شحن الروح في نقطة التقاطع ثم يعود كل منهم لعالمة لا يستطيعون الاتحاد في طريق واحد ولا يستطيعون الابتعاد عن نقطة التقاطع  لانها قدر