الجمعة، ٢٨ سبتمبر ٢٠٠٧

تاج تاج


تاج جديد من العزيز محمد سمير صاحب مدونة غمض عنيك جالى ومعاة طبق قمر الدين بالممكسرات مقدرشى مش اكللة مع انى عاملة رجيم شكرا محمد
وادى الاجابات


لو قالولك اختار عصر من عصور مصرعلشان تعيش فيه تختار اى ‏عصر و فى عهد اى حاكم .. واشمعنى؟


اختار اعيش فى العصر الفاطمى ايام قطر الندى واعيش فرحها الاسطورى او اكون فى ايام الخيدوى اسماعيل واعيش افتتاح الاوبرا واشوف نهضمة مصر المعمارية والثقافية وقتها

اول ‏اولويه فى حياتك عيلتك ولا شغلك ولا اصحابك؟

عيلتى اكيد


ايه اكتر ‏حاجه بتحبها فى رمضان؟

الليل بحس انة ليل غريب عن وقت فى السنة تحس فية بروحانية واحساس كدة معرفشى اوصفة شكل السماء بيبقى غريب كانها منورة سبحان الله

اوصف ليا ‏اجمل فطار ممكن تفطره

اجمل فطار كان زمان لما كانت عيلتنا الصغيرة كاملة والدى رحمة الله واختى قبل متتجوز واحنا بنفطر ونسمع مسلسل الشرق الاوسط وبابا يهظر معيا كل يوم يسالنى هية التمثلية دة اسمهااية

لو انت ‏حاكم على مجموعه من الافراد هتكون عادل؟؟ طب هتعمل ايه عشان تتأكد انك حاكم ‏عادل؟

بصراحة سوال صعب قوى مفهوم العدل دة اصلة مختلف من شخص لشخص تانى تبع تفكيرة بس انا اعتقد انى هعمل فريق عمل لكل واحد اختصاص وفى اخر كل مدة محددة هنشوف مين ادى واجبة ومين قصر وباجماع الجميع هنقرر الثواب والعقاب

اللى بيبوظ الحكام .. نفسهم؟ ولا الشعب؟ ‏ولا الحاشيه المقربه؟

الحاشية المقربة والشعب
الحاشية بانها بتخفى عنة اى شى غلط ممكن يحصل
والشعب الى مبيحاولشى يوصلة صوتة باى

مين ‏أكتر اعلامي مصري بتحترمه؟

تامر امين


قريت ديوان عمر مصطفى صاحب بلوج تجربه " اسباب وجيهه للفرح" ‏عن دار ملامح و لا لسه ؟؟

لا

لو ‏ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ‏ايه؟

راقصة بالية

ايه تانى بلد تتمنى تعيش فيها بعد ‏مصر؟

برضة مصر
لو خرجت منها اموت

اوصف ليا ‏ترتيبات اجمل فرح ممكن تحضره

اقولك اولا تكون زفة العروسة على هودج ويكون العريس الى ماسك الجمل وبعد كدة ينزلها من الهودج دة والزفة تكون على المزمار البلدى لحد القاعة وبعد كدة بقى فرح عادى

بتراعي ‏كلام الناس والقيل والقال؟ لو اه او لو لا قول لى ‏ليه؟


طبعا محدش يقدر يتجاهل الناس لانة مش عايش لوحدة بس لو الى هعملة مش ضدد الدين يبقى ميهمنيش الناس


صحيت من النوم ما لقيتش الموبايل ولا الكمبيوتر ولا ‏الكاميرا الديجيتال
ولقيتنا ‏رجعنا لعصر الحمام الزاجل والحصنه هتكون سعيد؟
اكيد هكون سعيدة وجدا كمان مش بقولك انا عايزة ارجع لايام قطر الندى وياريت اكون انا هية

السعاده ‏هى؟

الساعدة كلمة كبيرة قوى وصعب وصفها بتختلف من شخص لاخر انا بالنسبة ليا ضحكة طفل فى وشى اكبر سعادة


عندك أمل ‏؟؟ أسبابك


الحمد لله عندى امل لان ربنا موجود

لما تحب ‏تهرب من كل شئ بتروح فين؟

الشباك ابص للسماء

امتى ‏أول مره خدت فيها نفس طويل كده وقلت بينك وبين نفسك يااااه الظاهر انا فعلا ‏كبرت؟


لما لاقيت ابن اختى الى لسة كنت بشيلة مشاء الله كببر وبقى فى تانية ابتدائى

لما ‏بتعمل عمل خيرى بيكون ايه هو دافعك الاول؟


اكيد رضاء ربنا وبعد كدة اسعاد غيرى


بتشرب ‏سجاير؟ لو الاجابه اه ايه شعورك لو شفت ست بتشرب سجاير؟ وليه ‏؟


لا مش بدخن بص موضوع التدخين بالنسبة ليبا سواء ست او راجل مش بحب شكل السيجارة فى ايد اى حد منهم


بتعرف ‏ايدك اليمين من الشمال ازاي؟


الى بسلم بيها تبقى اليمين



ايه اكتر ‏اله موسيقيه بتحبها ؟ ؟


العود والناى


فى رأيك ليه الذوق والنخوه ‏اتعدموا؟

ما يسموة بعصر السرعة



ايه ‏الحاجه اللى لو حصلتلك تبقى سعيد قوى؟؟؟


ياةةةةةةةةةةةةةةةةةةةةةةةةةةةةةةةةةةةةة كتير بس بجد ببقى سعيدة قوى وانا واخدة اولاد اختى وبلعب معاهم



تختار ‏يبقى عندك...ارض زراعيه ولا اجنس عربيات و لا كام عماره و لا فلوس فى ‏البنك؟؟؟؟
ارض زراعية وازرعها كلها ورد


البحر و ‏لا النيل؟؟؟


البحر
حبيبى قالى اتمنى انا قولت بيت على البحر فرد قلوعة وخدنى بصيت لاقيت البحر


مركب و ‏لا طياره؟؟


مركب طبعا


مجنون و لا ‏عاقل؟؟


مجنون


تقرأ ‏كتاب و لا تتفرج عليه فيلم؟


اقراء كتاب

امررة لمين لمين لمين

د / اياد هيثم حرفوش
احمد صاحب مدونة الله الوطن المدونة

علياء صاحبة مدونة فتاة من القلب

رمضان كريم




هناك ١٤ تعليقًا:

rack-yourminds يقول...

أجاباتك جميله

تحياتي لكي

اسكندراني اوي يقول...

التيجان في رمضان الصبح بتفطر
هههههههههههههههههههههههههههههه

اجباتك حلوه
وخصوصا موضوع قطر الندى

Unknown يقول...

شكرا واحد تحياتى ليك

اسكندرانى

بجد مكنتش اعرف ان التاج بيفطر طيب الحل اية بقى دلوقتى

خيرالدين يقول...

ردودك تلقائيه وجميله

Unknown يقول...

e7na
شكرا للزيارة

غمض عينيك يقول...

وبعدين يا ايوية
حيرتيني معامكي

اقولك يابيلا ولا قطر الندى

ربنا يديم عليكي السعاده وينولك اللي في بالك ان شاء الله
محمد سمير

http://kasperb4.blogspot.com/ يقول...

باين عليكي شخصية اصيلة اوي

انا لسة قبل ما اجيلك معلق عند حد بردو عدو نفس التاج وحاطط نفس الصورة واجاباتكو تقريبا شبه بعضها في حاجات كتير
:)
ع العموم تقبلي تحيتي وكل سنة وانتي بخير

Unknown يقول...

غمض عينك

شكرا للتاج لا انا مصرة على حبى لبيلا


الام وامال

كل سنة وانت بخير وشكرا لكلامك بجد

Ahmed يقول...

ايويه
ازيك عامله ايه
اجاباتك جميلة حسستني انك خرجتي من موود الحزن
حمد الله على السلامة
وشكرا على التاج

Unknown يقول...

احمد

الحمد لله يعنى بحاول انى اشغل نفسى وابعد عن التفكير
شكرا ليك

bastokka طهقانة يقول...

راقصة بالية
يانهار ابيض

حصلنا البجع



اوروفوار

Unknown يقول...

شكرا طهقانة للزيارة

غير معرف يقول...

هذا طفل
جمیل جدا

Unknown يقول...

النظافة/ النظافة العامة - النظافة الخاصة جميع النظافة باشكالها وانواعها ضرورة بل لازمة فى الحياة لا بدونه ياتى الامراض بل قل اللة تعالى عن النظافة ورسولة وعندما نتحدث عن النظافة فلديك شركة تنظيف بالرياض وايضا مكافحة الحشرات وهى من انواع النظافة المهمة ايضا وهى شركة مكافحة حشرات بالرياض ومن الاسباب التى تساعد على مكافحة الحشرات هى رش المبيدات وهى شركة رش مبيدات بالرياض ومن انواع النظافة تسليك المجارى وهى شركة تسليك جارى بالرياض ولدينا خدمات اخرى كثيرة جدا مثل شركة تنظيف مسابح بالرياض وافضل شركة نقل عفش بالريض
وللاتصال وطلب الخدمة 0508400941

وأما الجدار

في رحلة حياتنا نصادف جدران عديدة  قد يلفت نظرنا روعة تصميمة ورونقة أو تهدمة وشقوقة  لكننا نمر وننسي الجدار الرائع الذي أدخل  البهجة لنفوسنا...